Connect with us
Malayali Express

Malayali Express

ആളെ കൂട്ടി ജോസ് വിഭാഗം: പി.എം. മാത്യു ജോസിനോട് അടുക്കുന്നു, മാത്യുവിന്‍റെ ചാട്ടം തുടരുന്നു; പിള്ളയേയും തള്ളി ജോസിലേക്ക്

KERALA

ആളെ കൂട്ടി ജോസ് വിഭാഗം: പി.എം. മാത്യു ജോസിനോട് അടുക്കുന്നു, മാത്യുവിന്‍റെ ചാട്ടം തുടരുന്നു; പിള്ളയേയും തള്ളി ജോസിലേക്ക്

Published

on

മാത്യു ജോണ്‍

പാലായിലെ തെരഞ്ഞെടുപ്പിന്‍റെ പരാജയം ചെറിയ ഷോക്കൊന്നുമല്ല കേരള കോണ്‍ഗ്രസിന്‍റെ ജോസ് വിഭാഗത്തിനു പ്രത്യേകിച്ചു വ്യക്തിപരമായി ജോസ് കെ മാണിക്ക് ഏല്പിച്ചിരിക്കുന്നത്. ഇതിൽ നിന്നും കരക്കയറാൻ അല്പം സമയമെടുക്കും. അപക്വമായ തീരുമാനമാണു കേരള കോണ്‍ഗ്രസ് ജോസ് വിഭാഗത്തിനു തിരിച്ചടിയായതെന്നു ആക്ഷേപവും ശക്തമാണ്. പാലായിലെ തോൽവിയോടെ പാർട്ടിയിൽ നിന്നും കൊഴിഞ്ഞുപോക്കും നടക്കുകയാണ്. പാലാ മേഖലയിൽ ജോയ് ഏബ്രാഹം, സജി മഞ്ഞക്കടന്പൻ, പാലായിലെ വൈസ് ചെയർമാൻ കുര്യാക്കോസ് പടവനും ആറു കൗണ്‍സിലർമാരും ജോസഫിന്‍റെ കൂടെയാണ്. ഇവരെല്ലാം മാണിസാറിന്‍റെ കൂടെ അടിയുറച്ചു നിന്നവരാണ്. കഐസ് സി കോട്ടയം ജില്ലാ പ്രസിഡന്‍റായി തെരഞ്ഞെടുക്കപ്പെട്ട നോയൽലൂക്ക് പെരുമ്പാറയിൽ ചക്കാത്തറ സ്വദേശിയും മാണി ഭക്തനുമായിരുന്നു. ഇപ്പോൾ ജോസഫിന്റെ കൂടെയാണ്. നിലവിൽ ചുവട്ടിലെ മണ്ണ് പൂർണമായും ഒലിച്ചു പോയി കൊണ്ടിരിക്കുന്പോള്ഡ എന്ത് ചെയ്യണമെന്നോർത്തു നിൽക്കുമ്പോഴാണ് പി.എം. മാത്യു എത്തുന്നത്. പഴയ സിംഹമാണ് പി.എം.മാത്യു. കടുത്തുരുത്തി സ്വദേശി. കഐസ് സിയിലൂടെ കടന്നു വന്നു. യൂത്ത് ഫ്രണ്ട് സംസ്ഥാന പ്രസിഡന്‍റ് , മാണി ഗ്രൂപ്പ് പിന്നീട് ജേക്കബ് ഗ്രൂപ്പ്, കോണ്‍ഗ്രസുകാരൻ, കേരള കോണ്‍ഗ്രസ് പി.സി. തോമസ് വിഭാഗം, അവിടുന്നുചാടി സ്ക്കറിയ തോമസ് വിഭാഗം അവിടെ നിന്നും ബാലകൃഷ്ണപിള്ളയിലേക്ക് പോയി. പിള്ളയെ തള്ളി പറഞ്ഞു ജോസ് കെ മാണിയോട് അടുത്തു കഴിഞ്ഞു. പി.എം.മാത്യു ശക്തനായ നേതാവായിരുന്നു. ഏതായാലും ജോസ് കെ മാണിക്കു ഇതു നല്ലതാണ്.

Continue Reading

Latest News