തിരുവനന്തപുരം: വിഷുവിനും കെഎസ്‌ആർടിസി ജീവനക്കാർക്ക് പൂർണ ശമ്ബളം പ്രതീക്ഷ മാത്രം. ഈ മാസത്തെ പകുതി ശമ്ബളം മാത്രമാണ് ജീവനക്കാർക്ക് ലഭിച്ചിട്ടുള്ളത്.
ശമ്ബളം മുഴുവനായി നല്‍കാത്തത്തില്‍ പ്രതിഷേധിച്ച്‌ ജീവനക്കാർ പ്രതിഷേധ കണി ഒരുക്കി പ്രതിഷേധിച്ചു. വിഷുദിനത്തില്‍ കെഎസ്‌ആർടിസി എംപ്ലോയീസ് സംഘിന്റെ നേതൃത്വത്തിലാണ് പ്രതിഷേധം സംഘടിപ്പിച്ചത്.
ജീവനക്കാർക്ക് മാസങ്ങളായി മുഴുവൻ സമ്ബളവും നല്‍കുന്നില്ല. ജീവനക്കാരുടെ യാതൊരു തരത്തിലുള്ള അഭിപ്രായങ്ങളും പരിഗണിക്കാതെ ഗഡുക്കളായാണ് നല്‍കിക്കൊണ്ടിരിക്കുന്നത്. അതും അധികൃതർക്ക് തോന്നുമ്ബോള്‍ മാത്രമാണ് ശമ്ബളം നല്‍കുന്നത്. മുഖ്യമന്ത്രി നല്‍കിയ വാക്ക് പാലിക്കണമെന്നും ബിഎംഎസ് പ്രവർത്തകർ പറഞ്ഞു.
എത്ര സാമ്ബത്തിക പ്രതിസന്ധിയുണ്ടെങ്കിലും കെഎസ്‌ആർടിസി ജീവനക്കാരുടെ ശമ്ബളം ഒറ്റ ഗഡു ആയി മാസാദ്യം നല്‍കും. ചിലവുകള്‍ ചുരുക്കാനും പാഴ്‌ച്ചിലവുകള്‍ ചൂണ്ടികാട്ടാനും ഉള്ള നിർദേശങ്ങള്‍ സ്വീകരിക്കാൻ സദാ സന്നദ്ധമാണ് ഗതാഗത വകുപ്പ് എന്നെല്ലമായിരുന്നു അധികാരത്തിലെത്തിയപ്പോള്‍ ഗതാഗത വകുപ്പുമന്ത്രി കെബി ഗണേഷ് കുമാർ വാഗ്ധനം നല്‍കിയത്.
