Connect with us
Malayali Express

Malayali Express

കെപിസിസിയില്‍ തെരഞ്ഞെടുപ്പ് നടത്തണമെന്ന ഹര്‍ജി പിന്‍വലിച്ചു

KERALA

കെപിസിസിയില്‍ തെരഞ്ഞെടുപ്പ് നടത്തണമെന്ന ഹര്‍ജി പിന്‍വലിച്ചു

Published

on

കൊച്ചി: ഇന്ത്യന്‍ നാഷണല്‍ കോണ്‍ഗ്രസില്‍ ബൂത്തു ഭാരവാഹികള്‍ മുതല്‍ എഐസിസി പ്രസിഡന്‍റുവരെയുള്ളവരെ തെരഞ്ഞെടുപ്പിലൂടെ നിയമിക്കാന്‍ നിര്‍ദ്ദേശിക്കണമെന്നാവശ്യപ്പെട്ട് കൊല്ലം സ്വദേശിയും പാര്‍ട്ടിയംഗവുമായ ഹിലാരി സക്കറിയ നല്‍കിയ ഹര്‍ജി പിന്‍വലിച്ചു. രാഹുല്‍ ഗാന്ധി, സോണിയ ഗാന്ധി, കെപിസിസി പ്രസിഡന്‍റ് മുല്ലപ്പള്ളി രാമചന്ദ്രന്‍ എന്നിവരെ എതിര്‍ കക്ഷികളാക്കിയാണ് ഹര്‍ജി നല്‍കിയിരുന്നത്. 2017 ജൂണിനകം പാര്‍ട്ടി തെരഞ്ഞെടുപ്പ് നടത്തണമെന്ന് തെരഞ്ഞെടുപ്പ് കമ്മിഷന്‍ നിര്‍ദ്ദേശിച്ചിരുന്നു. എന്നാല്‍ കേരളത്തില്‍ ഒത്തുതീര്‍പ്പിന്‍റെയടിസ്ഥാനത്തിലാണ് ഭാരവാഹികളെ നിയോഗിച്ചത്. ഇതു ഏകാധിപത്യ രീതിയാണ്. എഐസിസി പ്രസിഡന്‍റ് അടക്കമുള്ള സ്ഥാനങ്ങളിലേക്ക് നേതാക്കളെ നോമിനേറ്റ് ചെയ്യുന്നത് തടയണമെന്നും ഹര്‍ജിയില്‍ ആവശ്യപ്പെട്ടിരുന്നു. എന്നാല്‍ രാഷ്ട്രീയ പാര്‍ട്ടികളിലെ ആഭ്യന്തര തെരഞ്ഞെടുപ്പുമായി ബന്ധപ്പെട്ട ഹര്‍ജികള്‍ നില നില്‍ക്കില്ലെന്ന് നേരത്തെ ഹൈക്കോടതി മറ്റൊരു വിധിയില്‍ വ്യക്തമാക്കിയിട്ടുണ്ടെന്ന് ചെരഞ്ഞെടുപ്പു കമ്മിഷന്‍ ചൂണ്ടിക്കാട്ടി. സംഘടനയ്ക്കുള്ളില്‍ ഇക്കാര്യം ആവശ്യപ്പെട്ടിട്ട് ഫലം ഉണ്ടായില്ലെങ്കില്‍ ഉചിതമായ ഫോറത്തെ സമീപിക്കാനാവുമെന്നും കമ്മിഷന്‍ വ്യക്തമാക്കി. തുടര്‍ന്നാണ് ഹിലാരി സക്കറിയ ഹര്‍ജി പിന്‍വലിച്ചത്.

Continue Reading

Latest News