Connect with us
Malayali Express

Malayali Express

ആഗോള സാമ്പത്തിക മാന്ദ്യം: ക്രൂഡോയില്‍ വില താഴേക്ക്

BUSINESS

ആഗോള സാമ്പത്തിക മാന്ദ്യം: ക്രൂഡോയില്‍ വില താഴേക്ക്

Published

on

ന്യൂഡല്‍ഹി: ആഗോള സമ്പദ്‌സ്ഥിതി കൂടുതല്‍ മോശമാകുമെന്ന വിലയിരുത്തലുകള്‍ ക്രൂഡോയിലിന് തിരിച്ചടിയാകുന്നു. ക്രൂഡ് വില ഇന്നലെ 16 സെന്റ് നഷ്‌ടവുമായി ബാരലിന് 60.22 ഡോളറിലെത്തി. യു.എസ്. ക്രൂഡ് വില 24 സെന്റ് താഴ്‌ന്ന് 54.85 ഡോളറായി. കഴിഞ്ഞവാരം ബ്രെന്റ് വില 2.1 ശതമാനം യു.എസ് ക്രൂഡ് വില മൂന്നു ശതമാനവുമാണ് ഇടിഞ്ഞത്.

ലോകത്തിലെ ഏറ്റവും വലിയ രണ്ടു സമ്പദ്‌ശക്തികളായ അമേരിക്കയും ചൈനയും തമ്മിലെ വ്യാപാരയുദ്ധം നിലയ്ക്കാത്തതാണ് ആഗോള സമ്ബദ്‌സ്ഥിതിയെ ബാധിക്കുന്നത്. അതേസമയം,​ വിപണിയിലേക്ക് ഡിമാന്‍ഡിനേക്കാള്‍ കൂടുതല്‍ എണ്ണ എത്തുന്നതും (സര്‍പ്ളസ്)​ വിലയെ താഴേക്ക് നയിക്കുന്നുണ്ട്. ഉത്‌പാദനം നിയന്ത്രിക്കാന്‍ സൗദി അറേബ്യയുടെ നേതൃത്വത്തില്‍ ഒപെക് രാഷ്‌ട്രങ്ങളും റഷ്യയുടെ നേതൃത്വത്തില്‍ ഒപെക് ഇതര രാജ്യങ്ങളും തീരുമാനിച്ചിരുന്നു. എന്നാല്‍,​ അമേരിക്ക ഇതിന് വിരുദ്ധമായി ഉത്‌പാദനം കൂട്ടിയതാണ് സര്‍പ്ളസിന് വഴിയൊരുക്കിയത്.

Continue Reading

Latest News