Connect with us
Malayali Express

Malayali Express

കേരള കോണ്‍ഗ്രസിലെ പ്രശ്നം : ജോസഫിനെ ശാന്തമാക്കാൻ കോണ്‍ഗ്രസ് ; ഒന്നിച്ചു പോക്ക് സാധിക്കില്ല

KERALA

കേരള കോണ്‍ഗ്രസിലെ പ്രശ്നം : ജോസഫിനെ ശാന്തമാക്കാൻ കോണ്‍ഗ്രസ് ; ഒന്നിച്ചു പോക്ക് സാധിക്കില്ല

Published

on

ജോസ് മാത്യു

കേരള കോണ്‍ഗ്രസിലെ പടലപിണക്കം അവസാനിക്കുന്നില്ല. സമവായ ചർച്ചകളിലൂടെപ്രശ്ന പരിഹാരത്തിനുള്ള ശ്രമം തുടരുകയാണ്. പി.ജെ. ജോസഫിനെ അപമാനിച്ചതാണ് പ്രശ്നത്തിനു തുടക്കം. ഒന്നിച്ചുള്ള പ്രചാരണത്തിനു തയാറല്ല എന്ന നിലപാടിലാണ് ജോസഫ് വിഭാഗം. ഇന്നു യുഡിഎഫ് കണ്‍വീനർ ബെന്നി ബെഹന്നാൻ ചർച്ച നടത്തി പ്രശ്നപരിഹാരത്തിനു ശ്രമിക്കുന്നുണ്ട്. എന്നാൽ ജോസഫ് വന്നാൽ കൂവി ഓടിക്കുമെന്ന നിലപാടാണ് ജോസ് കെമാണി വിഭാഗത്തിനുള്ളത്. ഇത് രാമപുരം ഉൾപ്പൈടെയുള്ള മേഖലകളിൽ വൻ പ്രതിസന്ധി സൃഷ്ടിച്ചിട്ടുണ്ട്. ജോസ് കെ മാണിയുടെ ശ്രമഫലമായി പാർട്ടിയിൽനിന്നും അകന്നവർ ജോസഫി്ന്‍റെ കൂടെ ചേർന്നിരിക്കുകയാണ്. ഇതു സ്ഥാനാർഥിക്കു വൻ ആശങ്ക ഉണ്ടാക്കുന്നതാണ്.തെരഞ്ഞെടുപ്പ് പ്രചാരണങ്ങളിൽ എല്ലാവരേയും സഹകരിപ്പിച്ച് മുന്നോട്ട് പോകുമെന്ന് ജോസ് കെ മാണി. തെരഞ്ഞെടുപ്പ് പ്രവർത്തനങ്ങളിലാണ് ശ്രദ്ധ. യുഡിഎഫ് ഒറ്റക്കെട്ടാണെന്നും വിവാദങ്ങളിൽ താൽപ്പര്യമില്ലെന്നും ജോസ് കെ മാണി വ്യക്തമാക്കി. അതേസമയം കേരളാ കോണ്‍ഗ്രസ്, പിജെ ജോസഫ് വിഭാഗം നേതാക്കളുമായി യുഡിഎഫ് ഉപസമിതി ഇന്ന് സമവായ ചർച്ച നടത്തും.യുഡിഎഫ് കണ്‍വീനർ ബെന്നി ബെഹനാന്‍റെ നേതൃത്വത്തിൽ ഉച്ചയ്ക്ക് ശേഷം മൂന്ന് മണിക്ക് കോട്ടയം ഡിസിസിയിലാണ് യോഗം. യുഡിഎഫ് സ്ഥാനാർത്ഥിയുടെ വിജയമാണോ കേരള കോണ്‍?ഗ്രസ് തർക്കമാണോ പ്രധാനമെന്ന് ജോസ് വിഭാഗം വ്യക്തമാക്കണമെന്നാണ് ജോസഫ് പക്ഷത്തിൻറെ ആവശ്യം. ഒന്നിച്ചുള്ള പ്രചാരണത്തിന് അന്തരീക്ഷമൊരുക്കണമെന്നും ജോസഫ് പക്ഷം യുഡിഎഫിനോട് ആവശ്യപ്പെട്ടു.

ജോസഫ് വിഭാഗത്തെ പ്രതിനിധീകരിച്ച് മോൻസ് ജോസഫും ജോയി എബ്രഹാമും ചർച്ചകളിൽ പങ്കെടുക്കും. അതേസമയം, ഇന്നലെ സമാവായ ചർച്ച വിളിച്ചുചേർത്തിരുന്നെങ്കിലും യുഡിഎഫ് കണ്‍വീനറുടെ സാന്നിധ്യത്തിൽ മാത്രമെ ചർച്ച നടത്തു എന്ന് കാണിച്ച് ജോസഫ് വിഭാഗം ചർച്ചയിൽ നിന്ന് വിട്ടുനിന്നിരുന്നു. എന്നാൽ, വിദേശത്തായിരുന്ന ബെന്നി ബെഹനാൻ എത്താൻ വൈകിയതിനെ തുടർന്നാണ് ചർച്ച ഇന്നത്തേക്ക് മാറ്റിയതെന്നാണ് ഔദ്യോഗിക വിശദീകരണം.

Continue Reading

Latest News