Connect with us
Malayali Express

Malayali Express

ശശി തരൂർ രാജി വച്ചു

KERALA

ശശി തരൂർ രാജി വച്ചു

Published

on

മാത്യു ജോണ്‍

കെ.പി.സി.സി നേതൃത്വവുമായി ഇടഞ്ഞ് ശശി തരൂർ എം.പി ഡിജിറ്റൽ മീഡിയാ സെൽ ചെയർമാൻ സ്ഥാനം രാജിവെച്ചു. മീഡിയ സെല്ലിന്‍റെ സംസ്ഥാന കോർ കമ്മിറ്റി അംഗങ്ങളുടെയും കോഓർഡിനേറ്റർമാരുടെയും യോഗത്തിലാണ് അദേഹം രാജിവെച്ചത്. എ.കെ. ആന്‍റണിയുടെ മകൻ അനിൽ ആന്‍റണിക്കെതിരെ അദേഹം യോഗത്തിൽ തുറന്നടിച്ചു. എന്നിട്ടാണ് രാജി പ്രഖ്യാപനം നടത്തിയത്.

മുല്ലപ്പള്ളി രാമചന്ദ്രൻ കെപിസിസി പ്രസിഡന്‍റായ ശേഷം സമൂഹമാധ്യമങ്ങളിൽ ഉൾപ്പെടെ കോണ്‍ഗ്രസ് ആശയപ്രചാരണത്തിനായി രൂപീകരിച്ചതാണു പ്രഫഷനൽ, രാഷ്ട്രീയ പ്രവർത്തകരുടെ കൂട്ടായ്മയായ ഡിജിറ്റൽ മീഡിയ സെൽ. ചെയർമാനായി ശശി തരൂരിനെയും കണ്‍വീനറായി എ.കെ.ആന്‍റണിയുടെ മകൻ അനിൽ ആന്‍റണിയെയും നിയമിച്ചത് കെപിസിസി പ്രസിഡന്‍റിന്‍റെ പ്രത്യേക താൽപര്യപ്രകാരമായിരുന്നു. പ്രധാനമന്ത്രി നരേന്ദ്രമോദിയെ അനുകൂലിച്ച നിലപാടിൽ ഉറച്ച് നിന്നതിൽ ശശി തരൂരിനെതിരെ സംസ്ഥാന നേതൃത്വം രംഗത്ത് വന്നിരുന്നു. മോദിയെ എപ്പോഴും ദുഷ്ടനായി ചിത്രീകരിക്കുന്നത് പാർട്ടിക്ക് ഗുണം ചെയ്യില്ലെന്ന അഭിപ്രായവുമായി ജയറാം രമേശ്, മനു അഭിഷേക് സിങ്വി അടക്കമുള്ള കോണ്‍ഗ്രസിന്‍റെ മുതിർന്ന നേതാക്കൾ രംഗത്തു വന്നതിനു പിന്നാലെയാണ് അവരെ പിന്തുണച്ച് തരൂർ പ്രസ്താവനയിറക്കിയത്.

പ്രധാനമന്ത്രി നരേന്ദ്ര മോദിയെ എപ്പോഴും കുറ്റം പറയുന്നത് കോണ്‍ഗ്രസിന് ഗുണം ചെയ്യില്ലെന്ന് തരൂർ അഭിപ്രായപ്പെട്ടിരുന്നു. കുറ്റം മാത്രം പറഞ്ഞാൽ ജനം കേൾക്കില്ല. മോദി രാജ്യത്തിന്‍റെ പ്രധാനമന്ത്രിയാണെന്നും അദ്ദേഹം പറഞ്ഞിരുന്നു. തരൂരിന്‍റെ അഭിപ്രായത്തിനെതിരെ പ്രതിപക്ഷ നേതാവ് രമേശ് ചെന്നിത്തല രംഗതെത്തി. ജനങ്ങൾക്ക് അസ്വീകാര്യമായ നിലപാടാണ് ബിജെപി സർക്കാർ സ്വീകരിക്കുന്നതെന്നും തെറ്റായ നയങ്ങൾക്കെതിരായുള്ള പോരാട്ടം കോണ്‍ഗ്രസ് തുടരുമെന്നും ചെന്നിത്തല പറഞ്ഞു. എന്നാൽ,ചെന്നിതലക്ക് തിരിച്ചടിയായി ശശി തരൂർ നിലപാടിൽ ഉറച്ചു നിന്നു. മോദി സർക്കാർ ചെയ്യുന്ന നല്ല കാര്യങ്ങളെ എതിർക്കേണ്ട കാര്യമില്ലെന്നും തന്നെപ്പോലെ മോദിയെ എതിർത്ത മറ്റൊരാളുണ്ടാവില്ലെന്നും തരൂർ പറഞ്ഞു. താൻ ബിജെപിയെ അനുകൂലിക്കുന്ന ആളല്ല മോദിയേയും ബിജെപിയയേും തന്നോളം വിമർശിച്ച വേറെയാരുമുണ്ടാവില്ല. എതിർക്കുന്നവരൊക്കെ കേരളത്തെക്കുറിച്ച് മാത്രമാണ് ചിന്തിക്കുന്നത്. അതാണ് അനാവശ്യവിവാദങ്ങൾക്ക് കാരണമെന്നും തരൂർ വ്യക്തമാക്കി.

Continue Reading

Latest News