Connect with us
Malayali Express

Malayali Express

കോണ്‍ഗ്രസിനെ ഉടച്ചുവാർക്കും : ആർഎസ്എസ് മോഡൽ

INDIA

കോണ്‍ഗ്രസിനെ ഉടച്ചുവാർക്കും : ആർഎസ്എസ് മോഡൽ

Published

on

ആദിത്യവർമ

ഇനിയെങ്കിലും ഉണർന്ന് പ്രവർത്തിച്ചില്ലേങ്കിൽ കോണ്‍ഗ്രസ് നിലയില്ലാ കയത്തിലേക്ക് കൂപ്പ് കുത്തുമെന്ന കാര്യത്തിൽ പാർട്ടി നേതൃത്വത്തിന് പോലും സംശയമില്ല.ഈ സാഹചര്യത്തിൽ സംഘടനയിൽ വൻ ഉടച്ചുവാർക്കലിന് ഒരുങ്ങുകയാണ് കോണ്‍ഗ്രസ് നേതൃത്വം.ആർഎസ്എസ് മാതൃകയിലുള്ള സംവിധാനമാണ് കോണ്‍ഗ്രസ് നടപ്പാക്കാൻ ഒരുങ്ങുന്നത്. ഈ മാസം 3 ന് ദില്ലിയിൽ ചേർന്ന പാർട്ടി യോഗത്തിലാണ് പുതിയ തിരുമാനം.
ലോക്സഭ തിരഞ്ഞെടുപ്പിലേറ്റ കനത്ത പരാജയവും അധ്യക്ഷ സ്ഥാനത്ത് നിന്നുള്ള രാഹുൽ ഗാന്ധിയുടെ രാജിയും തുടർന്നുണ്ടായ അനിശ്ചിതത്വങ്ങളും കടുത്ത പ്രതിസന്ധിയിലേക്കാണ് കോണ്‍ഗ്രസിനെ തള്ളിവിട്ടിരിക്കുന്നത്. അതിനിടെ മൂന്ന് നിയമസഭ തിരഞ്ഞെടുപ്പുകളാണ് പടിവാതിലിൽ എത്തി നിൽക്കുന്നത്. ലോക്സഭ തിരഞ്ഞെടുപ്പിൽ ദയനീയ പ്രകടനമായിരുന്നു ഇത്തവണ കോണ്‍ഗ്രസ് നടത്തിയത്. ബിജെപി തരംഗത്തിൽ 17 സംസ്ഥാനങ്ങളിൽ നിന്ന് കോണ്‍ഗ്രസ് തുടച്ച് നീക്കപ്പെട്ടു. പാർട്ടി വെറും 52 സീറ്റുകളിലേക്ക് ഒതുങ്ങി. പരാജയത്തിൻറെ ആഘാതത്തിൽ കുരുങ്ങിയ പാർട്ടിയെ ഉയർത്തെഴുന്നേൽപ്പിക്കാൻ നിൽക്കാതെ രാഹുൽ ഗാന്ധിയെന്ന അമരക്കാരൻ പിറകോട്ട് വലിഞ്ഞു. അനുനയ ശ്രമങ്ങൾക്കും സമ്മർദ്ദ തന്ത്രങ്ങൾക്കും വഴങ്ങാതെ രാഹുൽ കോണ്‍ഗ്രസിൻറെ പടിയിറങ്ങി.സപ്തംബർ മൂന്നിന് ദില്ലിയിൽ ചേർന്ന ത്രിദിന പരിപാടിയിലാണ് ആർഎസ്എസ് മാതൃകയിലുള്ള സംഘടന മാറ്റമെന്ന നിർദ്ദേശം ഉയർന്നത്. അസം മുൻ മുഖ്യമന്ത്രി തരുണ്‍ ഗൊഗോയിയാണ് ആശയ്തിന് പിന്നിൽ. പാർട്ടിയുടെ പ്രവർത്തനങ്ങളും ആശയങ്ങളും പ്രവർത്തകരിലേക്ക് എത്തിക്കാൻ ആർഎസ്എസ് പ്രേരക്മാർക്ക് സമാനമായ ആളുകളെ നിയമിക്കാനാണ് തിരുമാനം.എല്ലാ മാസവും ദേശീയ -സംസ്ഥാന രാഷ്ട്രീയ സാഹചര്യങ്ങൾ പ്രവർത്തകരുമായി സംവദിക്കാൻ പ്രേരക്മാർ സംഗതൻ സംവദ് (ക്ലാസുകൾ) ജില്ലാ പാർട്ടി ഓഫീസുകളിൽ നടത്തും. പ്രാദേശിക പ്രശ്നങ്ങൾ എന്താണെന്ന് കണ്ടെത്തുകയും പഠിക്കുകയും ഇവർ ചെയ്യണം. ഈ മാസം അവസാനത്തോടെ പ്രേരക്മാരെ കണ്ടെത്തണമെന്നാണ് കെപിസിസികൾക്ക് നിർദ്ദേശം നൽകിയിരിക്കുന്നത്. കോണ്‍ഗ്രസ് അധ്യക്ഷ സോണിയ ഗാന്ധിയാണ് ഇക്കാര്യങ്ങൾ വിലയിരുത്തും.

Continue Reading

Latest News