Connect with us
Malayali Express

Malayali Express

ഇതാണ് നാടിനെ വിറപ്പിച്ച മൂർഖനെ പിടികൂടിയ ജർമനിയിലെ ‘വാവ സുരേഷ്’

EUROPE

ഇതാണ് നാടിനെ വിറപ്പിച്ച മൂർഖനെ പിടികൂടിയ ജർമനിയിലെ ‘വാവ സുരേഷ്’

Published

on


കൈപ്പുഴ ജോൺ മാത്യു

ബർലിൻ : ജർമനിയിലെ ഹേർണെ നഗരത്തിൽ കഴിഞ്ഞ ആഴ്ച നാടിനെ വിറപ്പിച്ച മൂർഖനെ പിടികൂടിയത് റോളാണ്ട് ബയനർ എന്ന ജർമൻകാരനാണെന്ന് വെളിപ്പെടുത്തൽ. കേരളത്തിൽ അറിയപ്പെടുന്ന വാവ സുരേഷ് എന്ന പാമ്പ് വിദഗ്ദ്ധനെ പോലെയാണ് റോളാണ്ട് എന്നാണ് മാധ്യമ റിപ്പോർട്ട്. 55കാരനായ റോളാണ്ട് ബോഹുമിൽ നിന്നുള്ള അഗ്നിശമനയിലെ അംഗമാണ്. റോളാണ്ട് ഡസനിലധികം വിഷപാമ്പുകളെ പിടികൂടിയതായിട്ടാണ് റിപ്പോർട്ടുകളിൽ സൂചിപ്പിക്കുന്നത്.
നാടിനെ വിറപ്പിച്ച മൂർഖന്റെ പേരിൽ പോര്

പാമ്പ് പിടുത്തത്തിൽ പ്രത്യേക പരിശീലനം ലഭിച്ചിട്ടുള്ള റോളാണ്ട് പ്രത്യേക ഉപകരണങ്ങളും വസ്ത്രങ്ങളും ഉപയോഗിക്കുന്നു. ഹേർണയിലെ മൂർഖനെ പിടികൂടിയതോടെ റോളാണ്ട് താരമായി. ഹേർണെ നഗരസഭയും ജനങ്ങളും ചേർന്ന് അടുത്ത ദിവസം റോളാണ്ടിന് വരവേൽപ്പ് സംഘടിപ്പിച്ചിട്ടുണ്ട്. വീടുകളിൽ മാരകമായ വിഷപാമ്പുകളെ വളർ‍ത്തുന്നതിൽ ശക്തമായ എതിർപ്പ് റോളാണ്ട് രേഖപ്പെടുത്തി.

ഇതിനിടയിൽ മുങ്ങിയ പാമ്പിന്റെ ഉടമ പാട്രിക് ഇതുവരെ പൊങ്ങിയിട്ടില്ല. മൂർഖന്റെ പേരിൽ നഗര സഭയ്ക്കുണ്ടായ നഷ്ടം പാമ്പുടമ മുപ്പത് വർഷം കൊണ്ട് അടച്ചു തീർക്കണമെന്ന് നഗരസഭ അധികൃതർ വ്യക്തമാക്കി. ജനങ്ങളുടെ നികുതി പണം മൂർഖനെ പിടിക്കാനായി ഉപയോഗിക്കാൻ കഴിയില്ലെന്ന് നഗരസഭാ വക്താവ് കഴിഞ്ഞ ദിവസം വ്യക്തമാക്കിയിരുന്നു. പാട്രിക് പണം നൽകാൻ തയാറായില്ലെങ്കിൽ ജയിൽ ശിക്ഷ ഉറപ്പാക്കാന്‍ കോടതിയെ സമീപിക്കുകയും ചെയ്തിരുന്നു.

Continue Reading

Latest News