Connect with us
Malayali Express

Malayali Express

ലോക ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യയുടെ സിന്ധുവിന്റെ തുടര്‍ച്ചയായ മൂന്നാം ഫൈനല്‍

LATEST NEWS

ലോക ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യയുടെ സിന്ധുവിന്റെ തുടര്‍ച്ചയായ മൂന്നാം ഫൈനല്‍

Published

on

ലോക ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യന്‍ പ്രതീക്ഷകള്‍ വാനോളമുയര്‍ത്തി പി.വി. സിന്ധു ഫൈനലില്‍ എത്തി. വനിതാ സിംഗിള്‍സ് സെമിയില്‍ നാലാം സീഡ് ചൈനയുടെ ചെന്‍ യു ഫെയ്യെ നേരിട്ടുള്ള ഗെയിമുകളില്‍ അനായാസം കീഴടക്കിയാണ് സിന്ധു ഫൈനലിലെത്തിയത്. 40 മിനിറ്റില്‍ 21-7, 21-14നായിരുന്നു സിന്ധുവിന്റെ ജയം. തുടര്‍ച്ചയായ മൂന്നാം തവണയാണ് സിന്ധു ലോകബാഡ്മിന്റണ്‍ ചാമ്പ്യന്‍ഷിപ്പിന്റെ ഫൈനലില്‍ കളിക്കുന്നത്. കഴിഞ്ഞ തവണയും കൈവിട്ട സ്വര്‍ണം ഇത്തവണ സ്വന്തമാക്കാമെന്ന പ്രതീക്ഷയിലാണ് സിന്ധു.ആദ്യ ഗെയിമില്‍ ഫെയ് സിന്ധുവിന് മുന്നില്‍ നിരുപാധികം കീഴടങ്ങുകയായിരുന്നു. എതിരാളിക്ക് ഒരവസരവും നല്‍കാതെ 15 മിനിറ്റില്‍ സിന്ധു ആദ്യ ഗെയിം സ്വന്തമാക്കി. രണ്ടാം ഗെയിമില്‍ ഫെയ് തുടക്കത്തില്‍ റാലികളുമായി തിരിച്ചുവരവിന്റെ ലക്ഷണം കാണിച്ചെങ്കിലും സിന്ധുവിന്റെ പോരാട്ടവീര്യം തകര്‍ക്കാന്‍ അത് മതിയാകുമായിരുന്നില്ല. 21-14ന് രണ്ടാം ഗെയിമും സ്വന്തമാക്കി സിന്ധു ഫൈനല്‍ ഉറപ്പിക്കുകയായിരുന്നു. ജപ്പാന്റെ നൊസോമി ഒകുഹാരയാണ് ഫൈനലില്‍ സിന്ധുവിന്റെ എതിരാളി. തുടര്‍ച്ചയായ മൂന്നാം തവണയാണ് സിന്ധു ലോകബാഡ്മിന്റണ്‍ ചാമ്പ്യന്‍ഷിപ്പിന്റെ ഫൈനലില്‍ എത്തുന്നത്.

അതേസമയം പുരുഷ സെമിയില്‍ ലോക ഒന്നാം നമ്പര്‍ താരം കെന്റോ മൊമൊട്ടയോട് തോറ്റ സായ് പ്രണീത് വെങ്കലം കൊണ്ട് തൃപ്തിപ്പെട്ടു.പുരുഷ സിംഗിള്‍സില്‍ മൊമൊട്ടയോട് നേരിട്ടുള്ള ഗെയിമുകളിലായിരുന്നു സായ് പ്രണീതിന്റെ തോല്‍വി. 13-21,8-21നായിരുന്നു പ്രണീതിന്റെ തോല്‍വി സമ്മതിച്ചത്.1983ല്‍ പ്രകാശ് പാദുകോണ്‍ വെങ്കലം നേടിയ ശേഷം ആദ്യമായാണ് ഒരിന്ത്യന്‍ താരം ലോകബാഡ്മിന്റണ്‍ പുരുഷ സിംഗിള്‍സില്‍ മെഡല്‍നേടുന്നത്.

Continue Reading

Latest News