സര്ക്കാര് നല്കുന്ന ഔദാര്യമല്ല പെന്ഷനെന്ന് അടിയന്തര പ്രമേയത്തിന് അനുമതിതേടിയ പിസി വിഷ്ണുനാഥ് പറഞ്ഞു. ഇന്ധന സെസ്സ് പോലും പെന്ഷന്റെ പേര് പറഞ്ഞാണ് ഏര്പ്പെടുത്തിയത്. ജോസഫിന്റെ മരണത്തിന് സര്ക്കാരാണ് ഉത്തരവാദിയെന്നും പിസി വിഷ്ണുനാഥ് കുറ്റപ്പെടുത്തി.
എന്നാല് ക്ഷേമപെഷന് കിട്ടാത്തത് കൊണ്ടുമാത്രമാണ് ജോസഫിന്റെ മരണം എന്ന് പറയുന്നത് വസ്തുതാവിരുദ്ധമാണെന്ന് ധനമന്ത്രി പറഞ്ഞു. ജോസഫ് മുമ്ബും ആത്മഹത്യയ്ക്ക് ശ്രമിച്ചിരുന്നു. നവംബറിലും ഡിസംബറിലും ജോസഫ് പെന്ഷന് വാങ്ങിയിരുന്നു. തൊഴിലുറപ്പും പെന്ഷനും ചേര്ത്ത് ഒരു വര്ഷം ജോസഫ് 52400 രൂപ ജോസഫ് കൈപ്പറ്റിയിരുന്നു.
തനിച്ചു താമസിക്കുന്ന ജോസഫ് 2023 ല് മാത്രം 24400 രൂപ പെന്ഷന് വാങ്ങിയിട്ടുണ്ട്. അവസാനമായി പെന്ഷന് വാങ്ങിയത് ഡിസംബര് 27 നാണ്. സ്വന്തം പെന്ഷനും മാനസിക വെല്ലുവിളി നേരിടുന്ന മൂത്തു മകളുടെ പെന്ഷനും ഉള്പ്പെടെ 3200 രൂപ കൈപ്പറ്റിയിട്ടുണ്ട്. ജനുവരി 15 വരെ തൊഴിലുറപ്പ് പദ്ധതിയില് ജോസഫ് പണിയെടുത്തിരുന്നു.
ജനുവരി 03 ന് പേരാമ്ബ്രയിലെ കാനറാ ബാങ്കില് നിന്ന് 5500 രൂപ കൂലി ഇനത്തില് കൈപ്പറ്റിയിരുന്നുവെന്നും ധനമന്ത്രി വ്യക്തമാക്കി. ധനമന്ത്രിയുടെ മറുപടിയെത്തുടര്ന്ന് പ്രതിപക്ഷത്തിന്റെ അടിയന്തരപ്രമേയ നോട്ടീസിന് സ്പീക്കര് അനുമതി നിഷേധിച്ചു.