Connect with us
Malayali Express

Malayali Express

പ്രളയദുരിതാശ്വാസ നിധി: സര്‍ക്കാരിനെതിരെ ആഞ്ഞടിച്ച് കെ. സുരേന്ദ്രന്‍

KERALA

പ്രളയദുരിതാശ്വാസ നിധി: സര്‍ക്കാരിനെതിരെ ആഞ്ഞടിച്ച് കെ. സുരേന്ദ്രന്‍

Published

on

മുഖ്യമന്ത്രിയുടെ ദുരിതാശ്വാസ നിധി വകമാറ്റിയെന്ന വ്യാജ പ്രചരണങ്ങള്‍ സോഷ്യല്‍ മീഡിയയില്‍ പ്രചരിക്കുമ്പോള്‍ കുറ്റപ്പെടുത്തലുകള്‍ക്കെതിരെ ബിജെപി നേതാവ് കെ. സുരേന്ദ്രന്‍ രംഗത്ത്. ബിജെപിയാണ് ഇതിന്റെ പിന്നിലെന്ന ആക്ഷേപം ഉയര്‍ന്നതോടെയാണ് സുരേന്ദ്രന്‍ ഫെയ്സ്ബുക്കിലൂടെ പ്രതികരണം നടത്തിയിരിക്കുന്നത്. ഉത്തരവാദപ്പെട്ടവര്‍ ആരെങ്കിലും ദുരിതാശ്വാസ നിധി വകമാറ്റിയെന്നോ, തട്ടിപ്പാണെന്നോ പറഞ്ഞോ എന്നാണ് സുരേന്ദ്രന്‍ ചോദ്യമുയര്‍ത്തിയത്.

സമൂഹമാധ്യമങ്ങളിലെ ഊരും പേരുമില്ലാത്തവരുടെ പ്രചാരണങ്ങളുടെ പേരില്‍ ഉത്തരവാദപ്പെട്ട സ്ഥാനത്തിരിക്കുന്ന മുഖ്യമന്ത്രിയും ധനമന്ത്രിയും വൈദ്യുതമന്ത്രിയും വാളെടുക്കുന്നതെന്തിനെന്ന് മനസിലാകുന്നില്ല. കഴിഞ്ഞ പ്രളയത്തില്‍ നിന്ന് ഒന്നും പഠിക്കാത്തവര്‍ ജനങ്ങള്‍ ദുരിതത്തിലാകുമ്പോള്‍ കുറ്റം എന്തിന് മറ്റുള്ളവരുടെ തലയില്‍ കെട്ടിവെയ്ക്കുന്നുവെന്നും കുറിപ്പിലൂടെ സുരേന്ദ്രന്‍ ചോദ്യമുയര്‍ത്തി.

ഫെയ്സ്ബുക്ക് കുറിപ്പിന്റെ പൂര്‍ണരൂപം:

സാമൂഹ്യമാധ്യമങ്ങളിലെ ഊരും പേരുമില്ലാത്തവരുടെ പ്രചാരണങ്ങളുടെ പേരില്‍ ഉത്തരവാദപ്പെട്ട സ്ഥാനത്തിരിക്കുന്ന മുഖ്യമന്ത്രിയും ധനമന്ത്രിയും വൈദ്യുതമന്ത്രിയും വാളെടുക്കുന്നതെന്തിനെന്നു മനസ്സിലാവുന്നില്ല. ഉത്തരവാദപ്പെട്ടവരാരെങ്കിലും ദുരിതാശ്വാസനിധി തട്ടിപ്പാണെന്നും വകമാറ്റിയെന്നും പറഞ്ഞോ? കഴിഞ്ഞ പ്രളയ കാലത്തുമുഴുവന്‍ കേന്ദ്രം അഞ്ഞൂറു കോടിയേ തന്നുള്ളൂ എന്ന് കള്ളപ്രചാരണം നടത്തിയവരാണ് ഇപ്പോഴും ഈ കള്ളപ്രചാരവേല നടത്തുന്നത്. കഴിഞ്ഞ വര്‍ഷം കിട്ടിയ ദുരിതാശ്വാസ നിധിയില്‍ നിന്ന് ഏതാണ്ട് പകുതി തുകയേ ചിലവഴിച്ചുള്ളൂ എന്നത് സംസ്ഥാന സര്‍ക്കാരിന്റെ തന്നെ കണക്കുകളാണ് ബോധ്യപ്പെടുത്തുന്നത്. എല്ലാ സംഘടനകളും തങ്ങളാലാവുന്ന വിധം ദുരിതമേഖലയിലും ക്യാമ്പുകളിലും സഹായിക്കുന്നുണ്ട്. കഴിഞ്ഞ പ്രളയത്തില്‍ നിന്ന് ഒന്നും പഠിക്കാത്തവര്‍ ജനങ്ങള്‍ ദുരിതത്തിലാവുമ്പോള്‍ കുറ്റം എന്തിന് മറ്റുള്ളവരുടെ തലയില്‍ കെട്ടിവെക്കുന്നു? കണക്കുകള്‍ക്ക് കള്ളം പറയാനാവില്ല. തന്നതും കൊടുത്തതുമെല്ലാം. ഒന്നിച്ചു നില്‍ക്കേണ്ട സമയത്ത് ഭിന്നിപ്പുണ്ടാക്കാന്‍ ഉത്തരവാദപ്പെട്ടവര്‍ തന്നെ ശ്രമിക്കുന്നത് ദൗര്‍ഭാഗ്യകരമാണ്.

Continue Reading

Latest News