ശ്രീനഗറില്‍ നിന്ന് പിന്‍വലിച്ച നിരോധനാജ്ഞ വീണ്ടും ഏര്‍പ്പെടുത്തി

ജമ്മു കശ്മീരിലെ ശ്രീനഗറില്‍ നിന്ന് പിന്‍വലിച്ച നിരോധനാജ്ഞ വീണ്ടും ഏര്‍പ്പെടുത്തി. ശ്രീനഗറിലാണ് വീണ്ടും നിരോധനാജ്ഞ ഏര്‍പ്പെടുത്തിയത്. കടകള്‍ അടയ്ക്കുമെന്നും ജനങ്ങള്‍ വീടുകളിലേക്ക് പോകണമെന്നും നിര്‍ദ്ദേശിച്ചുകൊണ്ട് ശ്രീനഗര്‍ പോലീസ് വാഹന അനൗണ്‍സ്മെന്റ് നടത്തി.

ജമ്മു കശ്മീരില്‍ സ്ഥിതിഗതികള്‍ ശാന്തമായെന്ന കേന്ദ്രസര്‍ക്കാര്‍ വാദങ്ങള്‍ക്ക് വിരുദ്ധമാണ് വീണ്ടും നിരോധനാജ്ഞ ഏര്‍പ്പെടുത്തിയ നടപടി. ശ്രീനഗറിലും ബാരാമുള്ളയിലും ഒറ്റപ്പെട്ട ചില പ്രതിഷേധങ്ങള്‍ മാത്രമേ നടന്നിട്ടുള്ളുവെന്നും ഇത്തരം പ്രകടനങ്ങളില്‍ 20ല്‍ താഴെ ആളുകള്‍ മാത്രമേ പങ്കെടുത്തിട്ടുള്ളുവെന്നും ആഭ്യന്തര മന്ത്രാലയ വക്താവ് ട്വീറ്റ് ചെയ്തിരുന്നു. ഇതിന് പിന്നാലെതാണ് നിരോനാജ്ഞ പ്രഖ്യാപിച്ചത്.

കശ്മീരിലെ സ്ഥലതിഗതികള്‍ അതീവ ഗുരുതരമാണെന്ന് കോണ്‍ഗ്രസ് നേതാവ് രാഹുല്‍ ഗാന്ധി നടത്തിയ പ്രസ്താവന ആഭ്യന്തര മന്ത്രാലയം തള്ളിയിരുന്നു. അഭ്യൂഹങ്ങളില്‍ വിശ്വസിക്കരുതെന്ന് ചീഫ് സെക്രട്ടറി ബി.വി.ആര്‍ സുബ്രഹ്മണ്യവും പ്രസ്താവനയില്‍ പറഞ്ഞിരുന്നു. എന്നാല്‍ അധികൃതരുടെ പ്രസ്താവനകള്‍ക്ക് വിരുദ്ധമാണ് ഇപ്പോള്‍ കശ്മീരിനെ നടപടികള്‍.