Connect with us
Malayali Express

Malayali Express

ഭൂമിയുടെ സുന്ദര ചിത്രങ്ങള്‍ പകര്‍ത്തി ചന്ദ്രയാന്‍ രണ്ട്

KOUTHUKALOKAM

ഭൂമിയുടെ സുന്ദര ചിത്രങ്ങള്‍ പകര്‍ത്തി ചന്ദ്രയാന്‍ രണ്ട്

Published

on

ചന്ദ്രയാന്‍ രണ്ട് വിജയകരമായി മുന്നേറുകയാണ്. ഇതിനിടെ ചന്ദ്രയാന്‍ രണ്ടില്‍ നിന്നും ലഭിച്ച ആദ്യ ചിത്രങ്ങള്‍ ഐഎസ്ആര്‍ഒ പുറത്തുവിട്ടു. ചന്ദ്രയാന്‍ 2 വിക്രം ലാന്‍ഡറിലെ എല്‍14 ക്യാമറ ഉപയോഗിച്ച് പകര്‍ത്തിയ ചിത്രങ്ങളാണ് പുറത്തെത്തിയിരിക്കുന്നത്.

ചന്ദ്രനെ വലം വയ്ക്കുന്ന ഓര്‍ബിറ്റര്‍, ലാന്‍ഡര്‍, റോവര്‍ എന്നിങ്ങനെ മൂന്ന് ഘടകങ്ങളാണ് ചന്ദ്രയാന്‍ രണ്ടിന്റെ ദൗത്യത്തില്‍ അടങ്ങിയിരിക്കുന്നത്. വിക്രം സാരാഭായിയോടുള്ള ആദര സൂചകമായി വിക്രം എന്നാണ് ലാന്‍ഡിംഗ് മൊഡ്യൂളിന് നല്‍കിയിരിക്കുന്ന പേര്. ചന്ദ്രന്റെ ദക്ഷിണധ്രുവത്തിലായിരിക്കും ചന്ദ്രയാന്‍ രണ്ട് റോവര്‍ ഇറങ്ങുക. ഇതു വരെ ഒരു ബഹിരാകാശ വാഹനവും ചന്ദ്രന്റെ ദക്ഷിണധ്രുവത്തില്‍ ഇറങ്ങിയിട്ടില്ലെന്നതും പ്രത്യേകതയാണ്.

ചാന്ദ്രയാന്‍ ഒന്നാം ദൗത്യത്തിലുള്‍പ്പെടെ ഉപരിതലത്തില്‍ ഇടിച്ചിറങ്ങുന്ന രീതിയാണ് ഐഎസ്ആര്‍ഒ അവലംബിച്ചിരുന്നത്. ഇത്തവണ സോഫ്റ്റ് ലാന്‍ഡിംഗിന് ശ്രമിക്കുകയാണ് ഐഎസ്ആര്‍ഒ. ഇന്ത്യക്ക് മുമ്പ് ഈ രീതി പരീക്ഷിച്ച് വിജയിച്ചിട്ടുള്ളത് അമേരിക്കയും ചൈനയും റഷ്യയും മാത്രമാണ്. റോവറിന്റെ പേര് ‘പ്രഗ്യാന്‍’ എന്നാണ്. ചന്ദ്രന്റെ ഉപരിതലത്തില്‍ ഇറങ്ങി നിരീക്ഷണങ്ങള്‍ നടത്തുകയാണ് ‘പ്രഗ്യാന്റെ’ ദൗത്യം.

Continue Reading

Latest News