Connect with us
Malayali Express

Malayali Express

രാജ്കുമാറിന്റെ മൃതദേഹം റീപോസ്റ്റ്മോര്‍ട്ടം ചെയ്തു; കസ്റ്റഡി മര്‍ദ്ദനത്തിന്റെ കൂടുതല്‍ തെളിവുകള്‍

KERALA

രാജ്കുമാറിന്റെ മൃതദേഹം റീപോസ്റ്റ്മോര്‍ട്ടം ചെയ്തു; കസ്റ്റഡി മര്‍ദ്ദനത്തിന്റെ കൂടുതല്‍ തെളിവുകള്‍

Published

on

നെടുങ്കണ്ടം കസ്റ്റഡി കൊലപാതകത്തിനിരയായ രാജ്കുമാറിന്റെ മൃതദേഹത്തിന്റെ രണ്ടാം പോസ്റ്റ്മോര്‍ട്ടം പൂര്‍ത്തിയായി. രാജ്കുമാറിന് കസ്റ്റഡിയില്‍ കൂടുതല്‍ മര്‍ദ്ദനമേറ്റതിന്റെ തെളിവുകള്‍ രണ്ടാം പോസ്റ്റ്മോര്‍ട്ടത്തില്‍ ലഭിച്ചു. രാജ്കുമാറിന്റെ കാലുകള്‍ ബലമായി അകറ്റിയതിന്റെ പരുക്കുകള്‍ കണ്ടെത്തി. നെഞ്ചിന്റെയും തുടയുടേയും വയറിന്റെയും പിന്നില്‍ പരുക്കുണ്ട്. റീപോസ്റ്റ്മോര്‍ട്ടത്തില്‍ കണ്ടെത്തിയ പരുക്കുകള്‍ മരണകാരണമായിട്ടുണ്ടാകാമെന്നാണ് നിഗമനം.

ന്യുമോണിയ ബാധയെ തുടര്‍ന്നാണ് രാജ്കുമാര്‍ മരിച്ചതെന്നാണ് പ്രാഥമിക പോസ്റ്റ്മോര്‍ട്ടത്തിലെ കണ്ടെത്തല്‍. രാജ്കുമാറിന്റെ ദേഹത്ത് ആന്തരിക മുറിവുകളുണ്ടായിരുന്നെന്നും ഗുരുതരമായ അണുബാധയ്ക്ക് പിന്നാലെ ന്യുമോണിയ കൂടി ബാധിച്ചതാണ് മരണകാരണമെന്നുമായിരുന്നു നേരത്തെ നടത്തിയ പോസ്റ്റ്മോര്‍ട്ടത്തിലെ കണ്ടെത്തല്‍. രാജ്കുമാറിന്റെ ആന്തരികാവയവങ്ങള്‍ പരിശോധനയ്ക്ക് എടുത്തിട്ടുണ്ട്. രണ്ടാഴ്ചയ്ക്കകം അന്തിമ റിപ്പോര്‍ട്ട് ലഭിക്കും.

വാഗമണ്‍ സെന്റ് സെബാസ്റ്റിയന്‍സ് പള്ളിയില്‍ സംസ്‌കരിച്ച രാജ്കുമാറിന്റെ മൃതദേഹം ഇന്ന് രാവിലെ പതിനൊന്നരയോടെയാണ് പുറത്തെടുത്തത്. ജുഡീഷ്യല്‍ പ്രതിനിധികള്‍, ഇടുക്കി ആര്‍.ഡി.ഒ, ഫോറന്‍സിക് സര്‍ജന്‍മാര്‍ എന്നിവരുടെ നേതൃത്വത്തിലായിരുന്നു നടപടികള്‍. പാലക്കാട് നിന്നുള്ള ഡോ. പി.ബി ഗുജ്റാള്‍, കോഴിക്കോട് നിന്നുള്ള ഡോ. കെ. പ്രസന്നന്‍, ഡോ. എ.കെ ഉന്മേഷ് എന്നിവരടങ്ങിയ സംഘമാണ് റീപോസ്റ്റ്മോര്‍ട്ടം ചെയ്തത്.

Continue Reading

Latest News