Connect with us
Malayali Express

Malayali Express

ഇന്ദിരമോഡൽ പ്രിയങ്ക : കോണ്‍ഗ്രസിന്‍റെ തലപ്പത്തേക്ക്

INDIA

ഇന്ദിരമോഡൽ പ്രിയങ്ക : കോണ്‍ഗ്രസിന്‍റെ തലപ്പത്തേക്ക്

Published

on

മനുലാൽ

രാഹുൽഗാന്ധി രാജി വച്ചതിനുശേഷം കോണ്‍ഗ്രസിനു നാഥനില്ലാത്ത അവസ്ഥയാണ്. ഇതിനു പരിഹാരമായി പ്രസിഡന്‍റിനെ ഇതുവരെ തെരഞ്ഞെടുത്തിട്ടില്ല. എന്നാൽ പലരുടെയും പേരുകൾ കേൾക്കുന്നുണ്ടെങ്കിലും നെഹ്റുകുടുംബത്തിൽ നിന്നും ഒരാൾ വന്നില്ലെങ്കിൽ പാർട്ടി പിളരുമെന്ന സ്ഥിതിയിലാണ്. ഇതു സംബന്ധിച്ചു നേതാക്കൾ അഭിപ്രായം വ്യക്തമാക്കി കഴിഞ്ഞു. രാഹുൽഗാന്ധി രംഗത്തേക്കു വീണ്ടും വരാത്ത സാഹചര്യത്തിൽ പ്രിയങ്ക ഗാന്ധിക്കു പ്രസിഡന്‍റ് പദവി നൽകണമെന്നാണ് നേതാക്കൾ ആഗ്രഹിക്കുന്നത്. പ്രിയങ്ക ഗാന്ധി പ്രിയദർശിനി മോഡലിൽ സമരമാർഗത്തിലൂടെയും പ്രവർത്തനത്തിലൂടെ കടന്നതോടെ അണികൾക്കുംനേതാക്കൾക്കും പുതിയൊരു ഉണർവ് നല്കിയിട്ടുണ്ട്.
പ്രിയങ്കാ ഗാന്ധി പാർട്ടിയെ നയിക്കണമെന്ന് ബിജെപിയിൽനിന്ന് അടുത്തിടെ കോണ്‍ഗ്രസിലെത്തിയ മുതിർന്ന നേതാവ് ശത്രുഘ്നൻ സിൻഹ.

പ്രിയങ്കയുടെ നേതൃത്വം കോണ്‍ഗ്രസിന് ഊർജം പകരും. മറ്റുപാർട്ടികൾക്കും അത് ഉണർവേകും. സോൻഭദ്ര കൂട്ടക്കൊലക്കേസിൽ യഥാസമയം നടത്തിയ ശക്തമായ ഇടപെടൽ മുൻ പ്രധാനമന്ത്രി ഇന്ദിരാഗാന്ധിയുടെ പ്രവർത്തന ശൈലിയെ അനുസ്മരിപ്പിക്കുന്നതാണ്.
യു.പി പോലീസിന്‍റെ അറസ്റ്റ് അടക്കമുള്ള നടപടികളെ അവർ പുഞ്ചിരിയോടെയാണ് നേരിട്ടതെന്നും സിൻഹ അഭിപ്രായപ്പെട്ടു.
അർപ്പണ ബോധത്തോടെ പ്രവർത്തിക്കുന്ന നേതാക്കൾക്ക് ഒരു ‘റോൾ മോഡലാണ്’ പ്രിയങ്ക. മറ്റു പാർട്ടികളും അവരുടെ പ്രവർത്തനശൈലി പിന്തുടരണമെന്ന് അദ്ദേഹം ആവശ്യപ്പെട്ടു.നിലവിലെ സാഹചര്യത്തിൽ കോണ്‍ഗ്രസിനെ നയിക്കാൻ ഏറ്റവും യോജ്യയായ നേതാവ് പ്രിയങ്കാഗാന്ധിയാണെന്നും അദ്ദേഹം ട്വീറ്റ് ചെയ്തു. ബിജെപി നേതാവായിരുന്ന സിൻഹ ലോക്സഭാ തിരഞ്ഞെടുപ്പിന് തൊട്ടുമുന്പാണ് കോണ്‍ഗ്രസിലെത്തിയത്.

Continue Reading

Latest News