Connect with us
Malayali Express

Malayali Express

ഇന്‍ഡോനേഷ്യന്‍ ഓപ്പണ്‍: പി.വി സിന്ധു ഫൈനലില്‍

LATEST NEWS

ഇന്‍ഡോനേഷ്യന്‍ ഓപ്പണ്‍: പി.വി സിന്ധു ഫൈനലില്‍

Published

on

ഇന്‍ഡോനേഷ്യന്‍ ഓപ്പണ്‍ സൂപ്പര്‍ സീരിസ് ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യയുടെ പി വി സിന്ധു ഫൈനലില്‍. ചൈനയുടെ ചെന്‍ യുഫെയയെ നേരിട്ടുള്ള ഗെയിമുകള്‍ക്കാണ് തോല്‍പ്പിച്ചത്. 46 മിനിറ്റ് നീണ്ടുനിന്ന മല്‍സരത്തിനൊടുവിലാണ് സിന്ധു വിജയം നേടിയത്. സ്‌കോര്‍ 21 – 19, 21 – 10.
വെള്ളിയാഴ്ച്ച നടന്ന മല്‍സരത്തില്‍ ലോക രണ്ടാം സീഡായ ജപ്പാന്റെ നൊസോമി ഒകുഹാരയെ പരാജയപ്പെടുത്തിയാണ് സിന്ധു സെമിയില്‍ കടന്നത്.

അവസാന പോയിന്റ് വരെ ഒന്നാം ഗെയിമില്‍ ഇരുവരും ഒപ്പത്തിനൊപ്പമായിരുന്നു. രണ്ടാം ഗെയിമില്‍ 4 -4 എന്ന പോയിന്റ വരെ ഒപ്പം പൊരുതിയെങ്കിലും പിന്നീട് സിന്ധു ആധിപത്യം പുലര്‍ത്തുകയായരുന്നു.

സിന്ധുവിന്റെ ആദ്യ ഇന്‍ഡോനേഷ്യന്‍ ഒപ്പണ്‍ ഫൈനലാണിത്. ജാപ്പനീസ് നാലാം സീഡായ അകാന യമഗുച്ചിയാണ് ഫൈനലില്‍ സിന്ധുവിന്റെ എതിരാളി.

ഇന്ത്യയുടെ കെ ശ്രീകാന്തും ഒരു തവണയും, സൈന നെഹ്വാള്‍ രണ്ട് തവണയും കിരീടം ചൂടിയിട്ടുണ്ട്. സിന്ധു ഇന്ത്യ ഓപ്പണ്‍, കൊറിയ ഓപ്പണ്‍ എന്നിവയില്‍ കിരീടം നേടിയിട്ടുണ്ട്.

Continue Reading

Latest News