Connect with us
Malayali Express

Malayali Express

തിരുവനന്തപുരം യൂണിവേഴ്‌സിറ്റി കോളജ്; പ്രശ്‌നക്കാരായ അധ്യാപകരും തെറിക്കും

KERALA

തിരുവനന്തപുരം യൂണിവേഴ്‌സിറ്റി കോളജ്; പ്രശ്‌നക്കാരായ അധ്യാപകരും തെറിക്കും

Published

on

യൂണിവേഴ്‌സിറ്റി കോളേജില്‍ വിദ്യാര്‍ത്ഥികള്‍ മാത്രമല്ല, ചില അദ്ധ്യാപകരും കുഴപ്പക്കാരാണെന്ന് അന്വേഷണ റിപ്പോര്‍ട്ട്. പ്രശ്‌നക്കാരായ അദ്ധ്യാപകരെ കണ്ടെത്തി സ്ഥലംമാറ്റാന്‍ സര്‍ക്കാര്‍ നടപടി തുടങ്ങി.
ഗവര്‍ണര്‍ പി. സദാശിവത്തിന്റെ കൂടി നിര്‍ദേശത്തിന്റെ അടിസ്ഥാനത്തില്‍ ഇക്കാര്യത്തില്‍ അന്വേഷണം നടത്തി വിശദമായ റിപ്പോര്‍ട്ട് നല്‍കാന്‍ ഉന്നത വിദ്യാഭ്യാസ മന്ത്രി കെ.ടി. ജലീല്‍ കോളേജ് വിദ്യാഭ്യാസ അഡിഷണല്‍ ഡയറക്ടര്‍ക്കു നിര്‍ദേശം നല്‍കി.

വിദ്യാര്‍ഥിനിയുടെ ആത്മഹത്യാശ്രമത്തെ തുടര്‍ന്നു കോളേജ് വിദ്യാഭ്യാസ ഡയറക്ടര്‍ അന്വേഷണം നടത്തി സമര്‍പ്പിച്ച റിപ്പോര്‍ട്ടിന്റെ അടിസ്ഥാനത്തില്‍ 28 അധ്യാപകരോട് സര്‍ക്കാര്‍ വിശദീകരണം തേടിയിരുന്നു. പുതിയ റിപ്പോര്‍ട്ട് കൂടി പഠിച്ച ശേഷമാകും സ്ഥലം മാറ്റം അടക്കമുള്ള അച്ചടക്ക നടപടികള്‍ സ്വീകരിക്കുക. കേരള സര്‍വകലാശാല പരീക്ഷയുടെ ഉത്തരക്കടലാസ് വിവിധ സ്ഥലങ്ങളില്‍ നിന്നു കണ്ടെത്തിയതുമായി ബന്ധപ്പെട്ടു നേരത്തെ മൂന്ന് അനദ്ധ്യാപകരെ സ്ഥലം മാറ്റിയിരുന്നു. അദ്ധ്യാപകരെ മാറ്റാനുള്ള നടപടികള്‍ പുരോഗമിക്കുകയാണെന്ന് മന്ത്രിയുടെ ഓഫിസ് അറിയിച്ചു.കൃത്യമായി ക്ലാസെടുക്കാതെ ഉഴപ്പി നടക്കുന്നവര്‍, പഞ്ചിംഗ് നടത്താത്തവര്‍, വര്‍ഷങ്ങളായി യൂണിവേഴ്സിറ്റി കോളേജില്‍ തുടരുന്നവര്‍ തുടങ്ങിയവരെ കണ്ടെത്തി റിപ്പോര്‍ട്ട് നല്‍കാനാണു മന്ത്രിയുടെ നിര്‍ദേശം.

Continue Reading

Latest News