Connect with us
Malayali Express

Malayali Express

തിരുവനന്തപുരം ആർട്സ് കോളജിൽ എസ്എഫ്ഐ തേർവാഴ്ച : നേതൃത്വം ചെയർമാൻ ; പെണ്‍കുട്ടികൾക്ക് ഭീഷണി

KERALA

തിരുവനന്തപുരം ആർട്സ് കോളജിൽ എസ്എഫ്ഐ തേർവാഴ്ച : നേതൃത്വം ചെയർമാൻ ; പെണ്‍കുട്ടികൾക്ക് ഭീഷണി

Published

on

മനു ലാൽ

യൂണിവേഴ്സിറ്റി കോളേജിൽ വിദ്യാർത്ഥിക്കുനേരെയുണ്ടായ വധശ്രമത്തിനു പിന്നാലെ തിരുവനന്തപുരം ആർട്സ് കോളേജിലും എസ്എഫ്ഐ ഗുണ്ടകളുടെ തേർവാഴ്ച. വനിതാമതിലിന്‍റെ പ്രചാരണ പരിപാടികളിൽ നിന്ന് വിട്ടുനിന്ന പെണ്‍കുട്ടികളെ യൂണിയൻ നേതാക്കൾ ഭീഷണിപ്പെടുത്തിയെന്നാണ് പുതിയ ആരോപണം. യൂണിറ്റ് മുറിയിൽ എസ് എഫ്ഐ നേതാക്കൾ ഇവരെ ചോദ്യം ചെയ്യുന്നതിന്‍റെ ശബ്ദരേഖയും ഇതോടൊപ്പം പുറത്തുവിട്ടിരിക്കുന്നതു ഒരു ചാനലാണ്. യൂണിവേഴ്സിറ്റി കോളേജിലേതിന് സമാനമാണ് എസ്എഫ്ഐയുടെ മറ്റൊരു കോട്ടയായ ആർട്സ് കോളേജിലെയും സ്ഥിതിയെന്ന് ശബ്ദരേഖ വ്യക്തമാക്കുന്നുണ്ട്. യൂണിവേഴ്സിറ്റി കോളേജിലെ എസ്എഫ്ഐയുടെ യൂണിറ്റ് മുറി ഇടിമുറിയാണെങ്കിൽ ഇവിടെ ചോദ്യം ചെയ്യുന്നതിനുള്ള കേന്ദ്രമാക്കിയാണ് മാറ്റിയെടുത്തിരിക്കുന്നത്. യൂണിയൻ ചെയർമാൻ സമീറിന്‍റെ നേതൃത്വത്തിലാണ് ഭീഷണിയെന്നാണ് പെണ്‍കുട്ടികൾ പറയുന്നത്. അധ്യാപകരോട് പരാതിപ്പെട്ടിട്ടും കാര്യമില്ലെന്നാണ് അവർ പറയുന്നത്.

വനിതാമതിൽ പ്രചാരണത്തിൽ പങ്കെടുക്കാതിരുന്നതിന് പെണ്‍കുട്ടികളോട് വിശദീകരണം ചോദിക്കുന്നതും അവർ പറയുന്ന മറുപടിയിൽ തൃപ്തിപ്പെടാതെ ആണ്‍കുട്ടികൾ പ്രതികരിക്കുന്നതുമാണ് ശബ്ദരേഖയിലുള്ളത്. വേറൊരു പരിപാടിയിലും പങ്കെടുക്കരുതെന്നും പഠിക്കാനാണ് വരുന്നതെങ്കിൽ പഠിച്ചിട്ട് പോകുക മാത്രമേ ചെയ്യാവൂ എന്നും പെണ്‍കുട്ടികളോട് കർശനമായി നിർദ്ദേശിക്കുന്നുണ്ട്. മുൻകാലങ്ങളായിരുന്നെങ്കിൽ കമ്മിറ്റിയിലുള്ള അംഗങ്ങൾ ഇത്തരം പരിപാടികളിൽ പങ്കെടുക്കാതിരുന്നാൽ കോളേജിൽ നിന്ന് തന്നെ പുറത്താക്കിയുരുന്നേനെ എന്നും എസ്എഫ്ഐ അംഗങ്ങൾ ഭീഷണിപ്പെടുത്തുന്നുണ്ട്. അതേസമയം ചോദ്യം ചെയ്യലിന് വിധേയരായ വിദ്യാർത്ഥിനികൾ ഇപ്പോഴും കോളേജിൽ പഠിക്കുന്നവരായതിനാൽ നേരിട്ട് മാധ്യമങ്ങളിൽ സംസാരിക്കാൻ പേടിയാണെന്നും അവർ അറിയിച്ചു. നിന്നും പിജി കോഴ്സ് പൂർത്തിയാക്കിയ അനുപമ എന്ന വിദ്യാർത്ഥിനി പറഞ്ഞത്.

Continue Reading

Latest News