Connect with us
Malayali Express

Malayali Express

എസ്എഫ്ഐക്കാരനെ കുത്തിയ സംഭവം : സർക്കാരും സിപിഎമ്മും പ്രതിസന്ധിയിൽ ; ഗവർണർ ഇടപെടുന്നു

KERALA

എസ്എഫ്ഐക്കാരനെ കുത്തിയ സംഭവം : സർക്കാരും സിപിഎമ്മും പ്രതിസന്ധിയിൽ ; ഗവർണർ ഇടപെടുന്നു

Published

on

ആദിത്യവർമ

യൂണിവേഴ്സിറ്റി കോളജിൽ എസ്എഫ്ഐ പ്രവർത്തകനെ കുത്തിയ എസ്എഫ്ഐ നേതാക്കൾക്കുമാത്രമല്ല തിരിച്ചടി, സംഘടനയ്ക്കും പാർട്ടിക്കും സർക്കാരിനും വൻ തിരിച്ചടിയാകുകയാണ്. സംഭവത്തിൽ കേന്ദ്രം ഇടപെടുന്നതിന്‍റെ ആദ്യപടിയായി ഗവർണർ സംഭവത്തിൽ വിശദീകരണം ചോദിച്ചു കഴിഞ്ഞു. എൽഡിഎഫ് സർക്കാരിനു തന്നെ വൻ പ്രഹരമായി മാറുകയാണ് കോളജിലെ എസ്എഫ്ഐ നേതാക്കളുടെ താണ്ഡവം.

യൂണിവേഴ്സിറ്റി കോളജ് സംഘർഷത്തിൽ ഗവർണർ ഇടപെടുന്നു. കോളേജിൽ നടന്ന അക്രമസംഭവങ്ങളിലും അനുബന്ധമായി ഉയർന്ന പരീക്ഷാ ക്രമക്കേട് അടക്കമുള്ള ആക്ഷേപങ്ങളിലും വിശദമായ റിപ്പോർട്ട് വേണമെന്നാണ് ഗവർണർ സർവ്വകലാശാല വൈസ് ചാൻസിലറോട് ആവശ്യപ്പെട്ടിട്ടുള്ളത്.
കേരളത്തിലെ തന്നെ പ്രമുഖ കോളേജുകളിൽ ഒന്നാണ് തിരുവനന്തപുരത്തെ യൂണിവേഴ്സിറ്റി കോളേജ്. വിദ്യാർത്ഥി സംഘടനാ പ്രശ്നങ്ങൾ കത്തിക്കുത്ത് വരെ എത്തുകയും യൂണിറ്റ് നേതാക്കൾ പിടിയിലാകുകയും ചെയ്ത സാഹചര്യത്തിൽ കൂടിയാണ് ഗവർണർ പ്രശ്നത്തിൽ ഇടപെടുന്നത്. വിദ്യാർത്ഥി സംഘർഷത്തെ കുറിച്ച് വിശദമായ റിപ്പോർട്ട് ആവശ്യപ്പെട്ടിട്ടുണ്ട്.

മാത്രമല്ല യൂണിവേഴ്സിറ്റി കോളേജിൽ നടന്ന വധശ്രമക്കേസിലെ പ്രധാന പ്രതിയുടെ വീട്ടിൽ നിന്നും യൂണിയൻ ഓഫീസ് പ്രവർത്തിച്ചിരുന്ന മുറിയിൽ നിന്നും സർവ്വകലാശാല പരീക്ഷയുടെ ഉത്തരക്കടലാസുകെട്ടുകളും സീലുകളും കണ്ടെടുത്തതിലും വിശദീകരണം വേണമെന്നാണ് ഗവർണർ ആവശ്യപ്പെട്ടിട്ടുള്ളത്. വിശദമായ റിപ്പോർട്ട് സമർപ്പിക്കണമെന്നാണ് സർവ്വകലാശാല വൈസ് ചാൻസിലർക്ക് ചാൻസിലർ കൂടിയായ ഗവർണർ നൽകിയ നിർദ്ദേശം.

Continue Reading

Latest News