Connect with us
Malayali Express

Malayali Express

ഹോം വര്‍ക്ക് ചെയ്യാത്തതിന് കുട്ടിയെ തല്ലിയ ടീച്ചര്‍ അറസ്റ്റില്‍

INDIA

ഹോം വര്‍ക്ക് ചെയ്യാത്തതിന് കുട്ടിയെ തല്ലിയ ടീച്ചര്‍ അറസ്റ്റില്‍

Published

on

മുംബൈ: ഹോം വര്‍ക്ക് ചെയ്യാത്തതിന് കുട്ടിയെ തല്ലിയ ടീച്ചര്‍ക്ക് പണികിട്ടി. അതെ സംഭവം നടന്നത് നവി മുംബൈയിലാണ്.

നാലാം ക്ലാസ്സുകാരിയായ കുട്ടിയെയാണ് ഹോം വര്‍ക്ക് മുഴുവനും ചെയ്യാത്തതിന്‍റെ പേരില്‍ നെരുല്‍ പ്രദേശത്തെ ട്യുഷന്‍ ടീച്ചറായ ഫ്ലോറിന്‍ ഗോമസ് തല്ലിയത്.

കുട്ടിയെ തല്ലിയ ടീച്ചറെ പൊലീസ് അറസ്റ്റ് ചെയ്യുകയും കോടതിയില്‍ ഹാജരാക്കിയപ്പോള്‍ ജാമ്യം ലഭിക്കുകയും ചെയ്തു.

തിങ്കളാഴ്ച ട്യുഷന് പോയ കുട്ടി വീട്ടില്‍ നിന്നും ചെയ്തു കൊണ്ടുവരേണ്ടിയിരുന്ന ഹോം വര്‍ക്ക് പൂര്‍ണ്ണമാക്കാത്തതിനെ തുടര്‍ന്ന്‍ ടീച്ചര്‍ കുട്ടിയെ തല്ലിയിരുന്നു. വൈകിട്ട് ആറു മണിക്ക് ട്യുഷന് പോയ കുട്ടി എട്ട് മണിയോടെ വീട്ടില്‍ തിരിച്ചെത്തിയപ്പോള്‍ മാതാപിതാക്കളോട് തനിക്ക് അടികൊണ്ട കാര്യം പറഞ്ഞു.
പെണ്‍കുട്ടിയുടെ ശരീരത്തില്‍ അടികൊണ്ടതിന്‍റെ ഒന്നിലധികം പാടുകള്‍ കണ്ട മാതാപിതാക്കള്‍ ദേഷ്യവും വിഷമവും സഹിക്കാന്‍വയ്യാതെ പോലീസില്‍ അറിയിക്കുകയാണ് ഉണ്ടായത്.

പെണ്‍കുട്ടിയുടെ അമ്മയുടെ പരാതിയിന്‍മേല്‍ പൊലീസ് കേസ് രജിസ്റ്റര്‍ ചെയ്യുകയും ഗോമസിനെ അറസ്റ്റ് ചെയ്യുകയും ചെയ്തു. നാലാം ക്ലാസ്സില്‍ പഠിക്കുന്ന പതിനഞ്ചോളം കുട്ടികളെ ഗോമസ് പഠിപ്പിക്കുന്നുണ്ട്.

ഇന്നലെയാണ് ഫ്ലോറിന്‍ ഗോമസിനെ പൊലീസ് അറസ്റ്റ് ചെയ്തത്. ജുവനൈല്‍ ജസ്റ്റിസ്‌ നിയമം 23ാം വകുപ്പ് പ്രകാരമായിരുന്നു അറസ്റ്റ്.

Continue Reading

Latest News