Connect with us
Malayali Express

Malayali Express

‘ദത്തെടുത്ത രണ്ടു മക്കൾക്കും വീട് വാങ്ങണം’: ദുബായ് ഡ്യൂട്ടി ഫ്രീ നറുക്കെടുപ്പിൽ 7 കോടി ലഭിച്ച ജയ

GULF

‘ദത്തെടുത്ത രണ്ടു മക്കൾക്കും വീട് വാങ്ങണം’: ദുബായ് ഡ്യൂട്ടി ഫ്രീ നറുക്കെടുപ്പിൽ 7 കോടി ലഭിച്ച ജയ

Published

on

ദുബായ് : ഡ്യൂട്ടി ഫ്രീ മില്ലേനിയം മില്യനയർ നറുക്കെടുപ്പിൽ രണ്ട് ഇന്ത്യക്കാർക്ക് ഏഴു കോടിയോളം രൂപ (10 ലക്ഷം യുഎസ് ഡോളർ) വീതം സമ്മാനം ലഭിച്ചു. ദുബായിൽ വസ്ത്ര വ്യാപാരിയായ മുംബൈ സ്വദേശിനി ജയ ഗുപ്ത, രവി റാംചന്ദ് ബചാനി എന്നിവർക്കാണ് സമ്മാനം ലഭിച്ചത്. ഇതേ നറുക്കെടുപ്പിൽ മറ്റൊരു ഇന്ത്യക്കാരന് മെഴ്സിഡസ് ബെൻസും ‌ സമ്മാനമായി ലഭിച്ചു.

കഴിഞ്ഞ 35 വർഷമായി ദുബായിൽ താമസിക്കുന്ന 71കാരിയായ ജയ ഗുപ്ത ദുബായിൽ ബിസിനസുകാരിയാണ്. ദൈവത്തിന്റെയും സ്വന്തം മാതാവിന്റെയും അനുഗ്രഹമാണ് ഭാഗ്യം കൊണ്ടുവന്നതെന്ന് ജയ പറഞ്ഞു. കഴിഞ്ഞ 15 വർഷമായി ഇവർ ദുബായ് ഡ്യൂട്ടി ഫ്രീ നറുക്കെടുപ്പിൽ പങ്കെടുക്കുന്നുണ്ട്.

മുംബൈയിലുള്ള അമ്മ ലക്ഷ്മി ഹരിഹരനെ കാണാൻ പോകുമ്പോഴായിരുന്നു ഭാഗ്യം കൊണ്ടുവന്ന ടിക്കറ്റ് എടുത്തത്. എല്ലാ വർഷവും ആറ് തവണയെങ്കിലും താൻ ഇന്ത്യയിലേയ്ക്ക് പോകാറുണ്ടെന്നും അപ്പോഴെല്ലാം ടിക്കറ്റെടുക്കാറുണ്ടെന്നും ജയ പറഞ്ഞു. എല്ലാത്തവണയും സെയിൽസ് ഗേൾ വിജയം ആശംസിക്കാറുണ്ട്. ഇപ്രാവശ്യം അവരെടുത്തു തന്ന നമ്പരിനാണ് ഭാഗ്യം എത്തിയത്. കുറച്ച് കടങ്ങളുള്ളത് തീർക്കണം. ബിസിനസിൽ നിക്ഷേപിക്കുകയും ജീവകാരുണ്യ പ്രവർത്തനങ്ങൾക്ക് നൽകുകയും ചെയ്യണം. കൂടാതെ, ദത്തെടുത്ത രണ്ട് മക്കൾക്ക്വീട് വാങ്ങിക്കുകയും വേണം–ഇതാണ് ജയയുടെ ഭാവി പദ്ധതികൾ.

ഭാഗ്യം പങ്കിട്ട 37 കാരനായ രവി റാംചന്ദ് ബചാനിയും ദുബായിൽ ബിസിനസുകാരനാണ്. തനിക്ക് സമ്മാനം ലഭിച്ചെന്ന് ആദ്യം വിശ്വസിക്കാനേ കഴിഞ്ഞില്ലെന്ന് ഇദ്ദേഹം പറഞ്ഞു. ദുബായ് ഡ്യൂട്ടി ഫ്രീക്ക് വളരെ നന്ദി.

Continue Reading

Latest News