Connect with us
Malayali Express

Malayali Express

വിവാഹത്തിനൊരുങ്ങിയ പ്രവാസി സുഹൃത്തിനെ ക്രൂരമായി കൊന്നു: ആത്മഹത്യ ശ്രമവുമായി പ്രതി

GULF

വിവാഹത്തിനൊരുങ്ങിയ പ്രവാസി സുഹൃത്തിനെ ക്രൂരമായി കൊന്നു: ആത്മഹത്യ ശ്രമവുമായി പ്രതി

Published

on

അബുദാബി ∙ വിവാഹത്തിനൊരുങ്ങിയ പ്രവാസിയായ ആൺ സുഹൃത്തിനെ കുത്തിക്കൊലപ്പെടുത്തിയ ശേഷം പ്രതി ആത്മഹത്യക്ക് ശ്രമിച്ചു. അബുദാബിയില്‍ ജോലി ചെയ്തിരുന്ന യുവാവിനെയാണ് ഹൈദരാബാദിലെ ഹോട്ടലിൽ സുഹൃത്ത് കുത്തിക്കൊന്നത്. തുടർന്ന് കഴുത്തുമുറിച്ച് ആത്മഹത്യക്ക് ശ്രമിച്ച പ്രതിയെ ഗുരുതര നിലയിൽ ആശുപത്രിയിൽ പ്രവേശിപ്പിച്ചു.

ന്യൂഡൽഹി ഇന്ത്യൻ ഇൻസ്റ്റിറ്റ്യൂട്ട് ഒാഫ് ടെക്നോളജി(ഐഐടി) മു‍ൻ വിദ്യാർഥിയും ഹൈദരാബാദ് സ്വദേശിയുമായ ശ്രീകാന്ത് റെഡ്ഡി(29)യാണ് കൊല്ലപ്പെട്ടത്. സുഹൃത്ത് നരേഷ്(26) ആണ് കൊലപ്പെടുത്തിയതെന്ന് പൊലീസ് പറഞ്ഞു. അബുദാബിയിലെ സ്വകാര്യ കമ്പനിയിൽ ജോലി ചെയ്യുന്ന ശ്രീകാന്തും നരേഷും തമ്മിൽ വളരെ അടുപ്പത്തിലായിരുന്നു. വിശാഖപട്ടണത്തെ പെൺകുട്ടിയുമായുള്ള ശ്രീകാന്തിന്‍റെ വിവാഹം കഴിഞ്ഞ മാസം 20ന് നിശ്ചയിച്ചിരുന്നു. ഇതിൽ അരിശം പൂണ്ട പ്രതി കൊലപാതകം ആസൂത്രണം ചെയ്യുകയും ശ്രീകാന്തിനെ തന്ത്രപൂർവം ഹോട്ടൽ കൃഷ് ഇന്നിലെ മുറിയിലെത്തിച്ച് കൊലപ്പെടുത്തുകയും സ്വയം കഴുത്തു മുറിച്ച് ജീവനൊടുക്കാൻ മുതിരുകയുമായിരുന്നുവെന്ന് ഹൈദരബാദ് എസ്ആർ നഗർ പൊലീസ് സ്റ്റേഷനിലെ ഉദ്യോഗസ്ഥൻ എസ്.മുരളീകൃഷ്ണ പറഞ്ഞു. പ്രതി ഇപ്പോൾ ആശുപത്രിയിൽ ചികിത്സയിലാണ്.‌


ഇൗ മാസം രണ്ടിന് അബുദാബിയിലേയ്ക്ക് മടങ്ങാനിരുന്ന ശ്രീകാന്ത്, നരേഷിന്റെ ആവശ്യപ്രകാരം ഹോട്ടൽ മുറിയിലെത്തുകയായിരുന്നുവെന്ന് ബന്ധുക്കൾ പറഞ്ഞു. രണ്ടു ദിവസം ഇരുവരും അവിടെ താമസിക്കുകയും ചെയ്തിരുന്നു. നാലാം തിയതിയായിരുന്നു കൊല നടത്തിയത്. 24 മണിക്കൂർ കഴിഞ്ഞിട്ടും മുറി തുറക്കുന്നത് കാണാത്തതിനെ തുടർന്ന് ഹോട്ടൽ അധികൃതർ പരിശോധിച്ചപ്പോൾ ശ്രീകാന്ത് രക്തത്തിൽ കുളിച്ചും നരേഷ് കഴുത്തുമുറിഞ്ഞും കിടക്കുന്നത് കണ്ടെത്തുകയായിരുന്നു. ആശുപത്രിയിൽ സുഖം പ്രാപിച്ച് വരുന്ന നരേഷിൽ നിന്ന് പൊലീസ് കൂടുതൽ മൊഴിയെടുക്കും.

Continue Reading

Latest News