Connect with us
Malayali Express

Malayali Express

ജർമനിയെ നടുക്കിയ പീഡനം: വിദ്യാർഥി പിടിയിൽ

EUROPE

ജർമനിയെ നടുക്കിയ പീഡനം: വിദ്യാർഥി പിടിയിൽ

Published

on


കൈപ്പുഴ ജോൺ മാത്യു

ബർലിൻ : ജർമനിയെ നടുക്കിയ കൂട്ടലൈംഗിക പീഡന കേസിൽ വിദ്യാർഥി പിടിയിൽ. കഴിഞ്ഞ വെള്ളിയാഴ്ച ജർമൻ നഗരമായ മ്യൂൾ ഹൈമിലാണ് യുവതി പീഡനത്തിനിരയായത്. പതിനെട്ട് വയസ്സുള്ള ഒരു ജർമൻ യുവതിയെ പന്ത്രണ്ടിനും പതിനാലിനും മിടയിലുള്ള അഞ്ച് സ്കൂൾ വിദ്യാർഥികൾ ചേർന്ന് പീഡിപ്പിക്കുകയായിരുന്നു.

മ്യൂൾ ഹൈമിലെ ഒരു പ്രാന്തപ്രദേശത്തെ കുട്ടികളുടെ കളി സ്ഥലത്തിനടുത്ത് വച്ചാണ് പീഡനം നടന്നത്. പീഡനത്തെ തുടർന്ന് അവശയായ യുവതിയെ നാട്ടുകാരാണ് ആശുപത്രിയിലെത്തിച്ചത്. യുവതിയുടെ പരാതിയെ തുടർന്ന് പൊലീസ് നടത്തിയ തിരച്ചിലിൽ ജോർജി എന്ന പതിനാല്കാരനെ പൊലീസ് കസ്റ്റഡിയിലെടുത്തു.

കോടതിയിൽ ഹാജരാക്കിയ ജോർജിയെ കൂടുതൽ അന്വേഷണങ്ങൾക്കായി കോടതി പൊലീസിന് വിട്ടുകൊടുത്തു. ജോർജിയും കൂട്ടുകാരും ജർമനിയിലേക്ക് കുടിയേറിയ ബൾഗേറിയയിൽ നിന്നുള്ളവരുടെ മക്കളാണെന്ന് പൊലീസ് പറഞ്ഞു. മറ്റു നാല് വിദ്യാർഥികൾ ഒളിവിലാണ്. അവരെ ഉടൻ വലയിലാക്കുമെന്നും പൊലീസ് അറിയിച്ചു.
ഇവർക്ക് കടുത്ത ശിക്ഷ ലഭിക്കുമെന്നാണ് നിയമ വിദഗ്ദർ വിലയിരുത്തുന്നത്. കുറഞ്ഞത് പന്ത്രണ്ട് വർഷത്തെ ജയിൽ ശിക്ഷ ഉറപ്പാണ്.

Continue Reading

Latest News