Connect with us
Malayali Express

Malayali Express

ഗ്രീക്ക് തിരഞ്ഞെടുപ്പില്‍ പ്രതിപക്ഷം ഭരണം പിടിച്ചെടുത്തു

EUROPE

ഗ്രീക്ക് തിരഞ്ഞെടുപ്പില്‍ പ്രതിപക്ഷം ഭരണം പിടിച്ചെടുത്തു

Published

on


ജോസ് കുമ്പിളുവേലിൽ

ഏഥന്‍സ് : ഗ്രീസില്‍ നടന്ന പൊതു തിരഞ്ഞെടുപ്പില്‍ പ്രതിപക്ഷ പാര്‍ട്ടി ന്യൂ ഡമോക്രസി ഭരണം പിടിച്ചെടുത്തു. കിരിയാകോസ് മിറ്റ്സോറ്റാകിസ് (51) ഗ്രീസിന്‍റെ പുതിയ പ്രധാനമന്ത്രിയായി സത്യപ്രതിജ്ഞ ചെയ്തു. സെന്‍റര്‍ റൈറ്റ് പാര്‍ട്ടിയായ ന്യൂ ഡമോക്രസിക്ക് 39.8 ശതമാനം വോട്ടാണ് കിട്ടിയത്. പുതിയൊരു ഗ്രീസ് കെട്ടിപ്പെടുക്കുമെന്ന പ്രഖ്യാപനത്തോടെയാണ് മിറ്റ്സോറ്റാകിസ് അധികാരമേറ്റത്. ആകെയുള്ള 300 സീറ്റില്‍ 158 സീറ്റുകള്‍ ന്യൂഡമോക്രസി നേടിയപ്പോള്‍ പ്രധാനമന്ത്രി സിപ്രാസിന്‍റെ കക്ഷിക്ക് ലഭിച്ചത് 86 സീറ്റുകളാണ്.

കുറഞ്ഞ നികുതി, സ്വകാര്യവല്‍ക്കരണം, കൂടുതല്‍ നിക്ഷേപിക്കാന്‍ അനുവദിക്കുക തുടങ്ങിയ പദ്ധതികള്‍ ഭരണ വാഗ്ദാനമായി അദ്ദേഹം നല്‍കിക്കഴിഞ്ഞു. ഗ്രീക്ക് ജനത അഭിവൃദ്ധി പ്രാപിക്കാന്‍ ഞാന്‍ ആഗ്രഹിക്കുന്നു. ഒപ്പം കടക്കെണിയില്‍ നിന്നും മടങ്ങിവരാനും ആഗ്രഹിക്കുന്നു. അദ്ദേഹം അനുഭാവികളോട് പറഞ്ഞു.

മിറ്റ്സോറ്റാകിസിന്‍റെ വ്യക്തമായ വിജയത്തെ യൂറോപ്യന്‍ കമ്മീഷന്‍ പ്രസിഡന്‍റ് ജീന്‍ ക്ലോഡ് ജുങ്കര്‍ അഭിനന്ദിച്ചു. 31.6 ശതമാനം വോട്ടാണ് പ്രധാനമന്ത്രി അലക്സി സിപാരസിന്‍റെ ഭരണകക്ഷിയായ ഇടതുപക്ഷ സൈറിസ പാര്‍ട്ടിക്കു ലഭിച്ചത്. ഫലപ്രഖ്യാപനത്തോടെ അദ്ദേഹം പരാജയം സമ്മതിച്ചു.

57 ശതമാനം പേരാണ് വോട്ട് ചെയ്തത്. ഗ്രീസിന്‍റെ ചരിത്രത്തിലെ തന്നെ ഏറ്റവും കുറഞ്ഞ പോളിങ് ശതമാനമാണിത്.

Continue Reading

Latest News