Connect with us
Malayali Express

Malayali Express

രോഹിത്തിന് റെക്കോഡ് സെഞ്ചുറി; ഇന്ത്യക്കു ജയം

LATEST NEWS

രോഹിത്തിന് റെക്കോഡ് സെഞ്ചുറി; ഇന്ത്യക്കു ജയം

Published

on

ശ്രീലങ്കയെ ഏഴ് വിക്കറ്റിനു തോല്‍പ്പിച്ച് ഇന്ത്യ ഏകദിന ക്രിക്കറ്റ് ലോകകപ്പിലെ അവസാന ലീഗ് മത്സരം ആഘോഷകരമാക്കി. ലീഡ്സില്‍ നടന്ന മത്സരത്തില്‍ ആദ്യം ബാറ്റ് ചെയ്ത ശ്രീലങ്ക ഏഴ് വിക്കറ്റ് നഷ്ടത്തില്‍ 264 റണ്ണെടുത്തു.
മറുപടി ബാറ്റ് ചെയ്ത ഇന്ത്യ കളി തീരാന്‍ 39 പന്തുകള്‍ ബാക്കി നില്‍ക്കേ വിജയ റണ്ണെടുത്തു. ഓപ്പണര്‍മാരായ രോഹിത് ശര്‍മയുടെയും (94 പന്തില്‍ രണ്ട് സിക്സറും 14 ഫോറുമടക്കം 103) ലോകേഷ് രാഹുലിന്റെയും (118 പന്തില്‍ ഒരു സിക്സറും 11 ഫോറുമടക്കം 111) സെഞ്ചുറികളാണ് ഇന്ത്യയുടെ ജയം അനായാസമാക്കിയത്.
ഒരു ലോകകപ്പില്‍ അഞ്ചു സെഞ്ചുറികള്‍ നേടുന്ന താരമെന്ന റെക്കോഡ് രോഹിത് ശര്‍മ സ്വന്തമാക്കി. രാഹുലിന്റെ കന്നി ലോകകപ്പ് സെഞ്ചുറിയാണിത്.
ഒന്‍പത് കളികളില്‍നിന്നു 15 പോയിന്റുമായാണ് ഇന്ത്യയുടെ സെമി ഫൈനല്‍ പ്രവേശനം. ആറാം സ്ഥാനത്തു ഫിനിഷ് ചെയ്ത ലങ്ക ഒന്‍പത് കളികളില്‍നിന്ന് എട്ട് പോയിന്റ് നേടി.

Continue Reading

Latest News