തെരഞ്ഞെടുപ്പില് പരാജയപ്പെട്ടതിന്റെ ജാള്യത മറച്ചുവയ്ക്കാൻ വകുപ്പുമന്ത്രിയുടെ വീട്ടിലേക്ക് മാര്ച്ച് നടത്തുന്നത് അപഹാസ്യമാണെന്നും ബിന്ദു വിമര്ശിച്ചു.
കോളജ് യൂണിയൻ തെരഞ്ഞെടുപ്പുകളുടെ ചുമതല പൂര്ണമായും റിട്ടേണിംഗ് ഓഫീസര്ക്കാണ്. അപാകതകള് ആരോപിക്കപ്പെടുന്ന പക്ഷം അവ സര്വകലാശാലാ അധികൃതരുടെ ശ്രദ്ധയില് രേഖാമൂലം കൊണ്ടുവന്ന് പരിഹാരം തേടാവുന്നതാണ്. നീതിന്യായ സംവിധാനങ്ങളെ സമാപിക്കാനുള്ള അവകാശവും പരാതിക്കാര്ക്കുണ്ട്.
സര്വകലാശാല ചട്ടങ്ങളനുസരിച്ച് പ്രവര്ത്തിക്കുകയും തെരഞ്ഞെടുപ്പുകളടക്കമുള്ള ജനാധിപത്യ നടപടികളുടെ ചുമതല വഹിക്കുകയും ചെയ്യുന്ന ഒരു കലാലയത്തിലെയും തെരഞ്ഞെടുപ്പു നടപടിക്രമങ്ങളില് മന്ത്രിയെന്ന നിലയ്ക്ക് ഇടപെടേണ്ടതില്ല, ഇടപെട്ടിട്ടുമില്ല. മന്ത്രിയെന്ന നിലയ്ക്ക് ഇതു സംബന്ധിച്ച് ഒരു പരാതിയും ലഭിച്ചിട്ടുമില്ലെന്നും ബിന്ദു വ്യക്തമാക്കി.