Connect with us
Malayali Express

Malayali Express

പ്രളയത്തിൽ വീട് തകർന്ന വിദ്യാർഥിക്ക് പുതിയ വീട് സമ്മാനിച്ച് സെന്റ്.ആൽബെർട്ട്സ്

KERALA

പ്രളയത്തിൽ വീട് തകർന്ന വിദ്യാർഥിക്ക് പുതിയ വീട് സമ്മാനിച്ച് സെന്റ്.ആൽബെർട്ട്സ്

Published

on

കൊച്ചി: കഷ്ടപ്പാടുകൾക്കൊടുവിൽ വീട് സമ്മാനിച്ചവർക്കു നന്ദി പറഞ്ഞുകൊണ്ട് അഞ്‍ജുവും കുടുംബവും. പ്രളയത്തിൽ വീട് നഷ്ടപ്പെട്ട വിദ്യാർഥിക്ക് കൈത്താങ്ങുമായി അധ്യാപകർ. സെന്റ്. ആൽബർട്ട് കോളജിലെ എം.എസ് സി കെമിസ്ട്രി വിദ്യാർഥിനിയായ അഞ്ചു വിജയന്റെ വീട് കഴിഞ്ഞ പ്രളയത്തിലാണ് നഷ്ടപ്പെട്ടത്. ഇതിന് രണ്ടാഴ്ച മുൻപാണ് അഞ്ജുവിന്റെ പിതാവ് ഹൃദയാഘാതത്തെ തുടർന്ന് മരിച്ചത്. വീടും കൂടി നഷ്ടപ്പെട്ടതോടെ അഞ്ജുവിന്റെ ജീവിതം വഴിമുട്ടുകയായിരുന്നു. സഹോദരനും മാതാവും പ്രായാധിക്യത്താൽ അവശതയനുഭവിക്കുന്ന മുത്തശ്ശിയുമായി ബന്ധു വീട്ടിലായിരുന്നു പിന്നീട് അഞ്ജുവിന്റെ താമസം.

തുടർന്നാണ് സെന്റ്. ആൽബർട്ട് കോളജ്അധ്യാപകർ കാരുണ്യഹസ്തവുമായി എത്തിയത്. സ്റ്റാഫ്‌ സഹകരണ സംഘമാണ് പുതിയ വീട് നിർമ്മിക്കുന്നതിനായി മുൻകൈ എടുത്തത്. ഏലൂർ പള്ളിപ്പുറംചാലിൽ നിർമ്മിച്ച പുതിയ വീടിന്റെ താക്കോൽദാനം കഴിഞ്ഞ ദിവസം വരാപ്പുഴ ആർച്ച് ബിഷപ്പ് ജോസഫ് കളത്തിപ്പറമ്പിൽ നിർവഹിച്ചു. അഞ്ച് ലക്ഷം രൂപ ചെലവിട്ടാണ് 530 സ്ക്വയർഫീറ്റ് വീട് നിർമാണം പൂർത്തിയാക്കിയത്. രണ്ടു കിടപ്പ്മുറികൾ, ഒരു ഹാൾ, അടുക്കള , ടോയ്‌ലറ്റ് എന്നിവയടങ്ങിയ വീട് നിർമ്മാണം നാല് മാസം കൊണ്ടാണ് പൂർത്തിയാക്കിയത്. സൊസൈറ്റി പ്രസിഡന്റ് ജസ്റ്റിൻ പായ്‌വ, സെക്രെട്ടറി ഡോ.പി.എ.നെൽസൺ എന്നിവരുടെ നേതൃത്വത്തിലാണ് വീട് നിർമാണത്തിനായുള്ള പ്രവർത്തനങ്ങൾ ഏകോപിപ്പിച്ചത്.

Continue Reading

Latest News