Connect with us
Malayali Express

Malayali Express

ബി.ജെ.പി ഭീകരസംഘടനയെ പോലെ: മമത

INDIA

ബി.ജെ.പി ഭീകരസംഘടനയെ പോലെ: മമത

Published

on

കൊല്‍ക്കത്ത: ബി.ജെ.പി ഭീകരസംഘടനയെ പോലെയാണ് പ്രവര്‍ത്തിക്കുന്നതെന്ന് ബംഗാള്‍ മുഖ്യമന്ത്രി മമത ബാനര്‍ജി. ബംഗാളിലെ ക്രമസമാധാനം തകര്‍ക്കാന്‍ മറ്റ് സംസ്ഥാനങ്ങളില്‍നിന്നും ബി.ജെ.പി ഗുണ്ടകളെ ഇറക്കുമതി ചെയ്യുകയാണ്. തൃണമൂല്‍ കോണ്‍ഗ്രസ് ബംഗാളിനെ പാകിസ്താനാക്കി മാറ്റുകയാണെന്ന ബി.ജെ.പി ആരോപണത്തോട് പ്രതികരിക്കുകയായിരുന്നു മമത.

ലോക്സഭ തെരഞ്ഞെടുപ്പ് മുതല്‍ ബി.ജെ.പി സംസ്ഥാനത്ത് ഭീകരസംഘടനയെ പോലെയാണ് പ്രവര്‍ത്തിക്കുന്നത്. ഉത്തര്‍പ്രദേശില്‍നിന്നും ബിഹാറില്‍ നിന്നും അവര്‍ ഗുണ്ടകളെ കൊണ്ടുവരികയാണ്.

നോര്‍ത്ത് 24 പര്‍ഗാനാസ് ജില്ലയിലെ ബാട്പരയിലുണ്ടായ സംഘര്‍ഷത്തെ തുടര്‍ന്ന് പ്രദേശത്തുകാര്‍ക്ക് ഒഴിഞ്ഞുപോകേണ്ട സാഹചര്യമാണെന്ന് മുതിര്‍ന്ന തൃണമൂല്‍ കോണ്‍ഗ്രസ് മന്ത്രി ഫിര്‍ഹാദ് ഹക്കിം പറഞ്ഞു. സംസ്ഥാനത്തെ സംഘര്‍ഷഭരിതമാക്കാന്‍ അനുവദിക്കില്ലെന്നും അദ്ദേഹം വ്യക്തമാക്കി.

ബാട്പരയിലെ പ്രശ്നങ്ങള്‍ പരിഹരിക്കാന്‍ സംസ്ഥാന സര്‍ക്കാര്‍ താത്പര്യം കാട്ടുന്നില്ലെന്നും ബംഗാളിനെ പാകിസ്താനാക്കി മാറ്റാന്‍ ശ്രമിക്കുകയാണെന്നും ‘ജയ് ശ്രീരാം’ എന്ന് ഉച്ചരിക്കാന്‍ പോലും അനുവാദമില്ലെന്നും ബി.ജെ.പി സംസ്ഥാന പ്രസിഡന്‍റ് ദിലീപ് ഘോഷ് ആരോപിച്ചിരുന്നു.

Continue Reading

Latest News