അമിതാഭ് ബച്ചന് ഇന്നലെ 81 വയസ്സ് തികഞ്ഞു, ജന്മദിനം ആഘോഷിക്കുന്നതിനായി വരാനിരിക്കുന്ന കല്ക്കി 2898 എഡി എന്ന ചിത്രത്തിലെ കഥാപാത്രത്തിന്റെ ലുക്ക് പുറത്തിറങ്ങി.
അമിതാഭ് മറ്റൊരു നൂറ്റാണ്ടിലെ നിഗൂഢമായ അവതാരമാണ്. അദ്ദേഹം ഒരു ഗുഹയ്ക്കുള്ളില് നില്ക്കുന്നു.
അമിതാഭിന്റെ ലുക്ക് ഏറെ ആകാംക്ഷ ജനിപ്പിക്കുന്നതാണ്. അമാനുഷിക കഴിവുകളുള്ള ഒരു വൃദ്ധനെയാണ് അദ്ദേഹം അവതരിപ്പിക്കുന്നതെന്ന് അനുമാനിക്കാം. നായകന്റെ യാത്രയില് അദ്ദേഹത്തിന്റെ കഥാപാത്രം ഉപദേഷ്ടാവിന്റെ പങ്ക് വഹിക്കും, അമൂല്യമായ അറിവും ജ്ഞാനവും നൈപുണ്യവും നല്കി നായകനെ അവന്റെ വിധി നിറവേറ്റുന്നതിലേക്ക് നയിക്കും.
കല്ക്കി 2898 എഡി ഒരു ഫ്യൂച്ചറിസ്റ്റിക് സയൻസ് ഫിക്ഷൻ സിനിമയാണ്. നാഗ് അശ്വിൻ രചനയും സംവിധാനവും നിര്വ്വഹിച്ച ചിത്രം നിര്മ്മാതാക്കള് വൻ തുക മുടക്കിയാണ് നിര്മ്മിച്ചിരിക്കുന്നത്. ആഗോളതലത്തില് സിനിമയുടെ പ്രമോഷൻ അണിയറപ്രവര്ത്തകര് നടത്തിയിരുന്നു.