Connect with us
Malayali Express

Malayali Express

സ്വാമി ചിദാനന്ദപുരിയുടെ യുകെ സന്ദർശനത്തിന് തുടക്കമായി

EUROPE

സ്വാമി ചിദാനന്ദപുരിയുടെ യുകെ സന്ദർശനത്തിന് തുടക്കമായി

Published

on


രഞ്ജിത്ത് കൊല്ലം

ലണ്ടൻ : കൊളത്തൂർ അദ്വതാശ്രമ മഠധിപതിയും ശബരിമല കർമ്മസമിതിയുടെ രക്ഷാധികാരിയുമായ സ്വാമി ചിദാനന്ദപുരിയുടെ യുകെ സന്ദർശനത്തിന് ഇന്നു തുടക്കമാകും. സദ്ഗമയ ഫൗണ്ടേഷന്റെ ഔദ്യോഗിക ക്ഷണം സ്വീകരിച്ചു തിങ്കളാഴ്ച യുകെ യിലെത്തിയ സ്വാമിജിക്ക് സദ്ഗമയ ഫൗണ്ടേഷൻ ഭാരവാഹികൾ ഊഷ്മളമായ വരവേൽപ്പ് നൽകി.

വ്യാഴാഴ്ച വൈകുന്നേരം 6.30 മുതൽ ബ്രട്ടീഷ് പാർലമെന്റിലെ വെസ്റ്റമിനിസ്റ്റർ കമ്മിറ്റി റൂം ആറിൽ എംപി ടോം ബ്രേക്കിന്റെ അധ്യക്ഷതയിൽ നടക്കുന്ന ഭഗവദ് ഗീതയും ആധുനിക രാഷ്ട്രീയവും എന്നവിഷയത്തിൽ സ്വാമിജി മുഖ്യപ്രഭാഷണം നടത്തും.വെള്ളിയാഴ്ച വൈകുന്നേരം 6 മുതൽ സട്ടൻ ഫ്രണ്ട്‌സ് മീറ്റിങ് ഹാളിൽ ജ്ഞാനയോഗത്തെ അധിഷ്ഠിതമാക്കി സ്വാമിജി ആധ്യാത്മിക പ്രഭാഷണം നടത്തും .

ബിർമിങ്ങാം ബാലാജി ക്ഷേത്രത്തിൽ യുകെ യിലെ വിവിധ ഹൈന്ദവ സമാജങ്ങളുടെ സഹകരണത്തോടെ ശനിയാഴ്ച ഉച്ചയ്ക്ക് രണ്ടുമണിമുതൽ നടക്കുന്ന ഹിന്ദുമഹാ സമ്മേളനത്തിൽ സ്വാമിജി മുഖ്യ പ്രഭാഷണം നടത്തും. ഞായറാഴ്ച രാവിലെ 9 മണിക്ക് ഈസ്റ്റ്ഹാം മഹാലക്ഷ്മി ക്ഷേത്രത്തിൽ സനാതന ധർമ്മത്തെ കുറിച്ച് സ്വാമിജി ആധ്യാത്മിക പ്രഭാഷണം നടത്തും തുടർന്നു ഞായറാഴ്ച വൈകുന്നേരം 3 മുതൽ ക്രോയ്ഡൻ ഹാരിസ് അക്കാദമി ഹാളിൽ നടക്കുന്ന ഹിന്ദു ധർമ്മ പരിഷത്തിൽ സ്വാമിജി അനുഗ്രഹ പ്രഭാഷണം നടത്തും.

Continue Reading

Latest News