Connect with us
Malayali Express

Malayali Express

ഫോമാ ഗ്രാമത്തിനു ഏറ്റവും കൂടുതൽ വീടുകൾ നൽകി വെസ്റ്റേൺ റീജിയൺ

USA

ഫോമാ ഗ്രാമത്തിനു ഏറ്റവും കൂടുതൽ വീടുകൾ നൽകി വെസ്റ്റേൺ റീജിയൺ

Published

on

ബിന്ദു ടിജി

ഇക്കഴിഞ്ഞ വർഷം പ്രളയക്കെടുതി യിൽ കഷ്ടത അനുഭവിച്ച കേരളത്തിൻറെ പുനർ നിർമ്മാണ പ്രവർത്തനങ്ങളുടെ ഭാഗമായി ഫോമാ സംഘടിപ്പിച്ച “റീ ബിൽഡ് ” കേരള പദ്ധതി യുടെ ഭാഗമായുള്ള ഫോമാ വില്ലേജിലേക്കു ഏറ്റവും കൂടുതൽ വീടുകൾ സ്പോൺസർ ചെയ്തത് ഫോമാ വെസ്റ്റേൺ റീജിയനാണ് വെസ്റ്റേൺ റീജിയൺ വൈസ് പ്രസിഡണ്ട് ജോസഫ് ഔസോ യുടെയും വെസ്റ്റേൺ റീജിയൺ ചെയർമാൻ പോൾ കെ ജോൺ (റോഷൻ ) ന്റെയും നിരന്തര പരിശ്രമ ത്തിലൂടെയും വെസ്റ്റേൺ റീജിയണിലുള്ള മലയാളി അസോസിയേഷനുകളുടെയും സേവനസന്നദ്ധരും മനുഷ്യ സ്നേഹികളുമായ മലയാളികളുടെയും ആത്മാർത്ഥ സഹകരണ ത്തിലൂടെയും പതിമൂന്നു വീടുകൾ നിർമ്മിച്ച് അർഹരായവർക്ക് നൽകാൻ ഫോമാ വെസ്റ്റേൺ റീജിയ ണ് സാധിച്ചു. പതിനൊന്നു മലയാളി സംഘടന കൾ ഒത്തു ചേർന്ന് പ്രവർത്തിക്കുന്ന വെസ്റ്റേൺ റീജിയൺ കഠിനാധ്വാനികളായ സംഘാടകരുടെ അശ്രാന്ത പരിശ്രമ ത്തിലൂടെ ഫോമായിലെ ഏറ്റവും ശക്തമായ റീജിയണുകളിലൊന്നായി ഇതിനകം മാറിക്കഴിഞ്ഞു .

ഫോമാ വൈസ് പ്രസിഡ ണ്ട് വിൻസെന്റ് ബോസ് മാത്യു , ഫോമാ ജോയിന്റ് സെക്രട്ടറി സാജു ജോസഫ്, വെസ്റ്റേൺ റീജിയൺ വൈസ് പ്രസിഡ ണ്ട് ജോസഫ് ഔസോ വെസ്റ്റേൺ റീജിയൺ ചെയർമാൻ പോൾ കെ ജോൺ ഇവർക്കൊപ്പം നാഷണൽ കമ്മിറ്റി അംഗങ്ങൾ ഡോക്ടർ സിന്ധു പൊന്നാരത്ത്, സിജിൽ പാലക്കലോടി, ജോസ് വടകര , പി ആർ ഒ – ബിജു തോമസ് പന്തളം , ബൈ ലോ കമ്മിറ്റി ചെയർമാൻ സാം ഈശോ ഉമ്മൻ ,ആഞ്ചല ഗ്രോഫി യൂത്ത് കോഓർഡിനേറ്റർ എന്നിവരും ചേർന്നതാണ് ഫോമാ വെസ്റ്റേൺ റീജിയൺ ഭാരവാഹികൾ. അനിയൻ ജോർജ്ജാണ് ഫോമാ വില്ലേജ് പ്രോജക്ടിന്റെ ഫണ്ട് റൈസിങ്ങ് ചെയർമാൻ . ജോസഫ് ഔസോ യാണ് ഫണ്ട് റൈസിങ്ങ് കോർഡിനേറ്റർ .വെസ്റ്റേൺ റീജിയൺ വൈസ് പ്രസിഡണ്ട്, ഫോമാ വില്ലേജ് പ്രൊജക്റ്റ് ഫണ്ട് റൈസിങ്ങ് കോർഡിനേറ്റർ എന്നീ നിലകളിൽ പ്രവർത്തിച്ച് ജോസഫ് ഔസോ വെസ്റ്റേൺ റീജിയനെ അടുത്ത പടിയിലേക്ക് ഉയർത്തി

മലയാളി അസോസിയേഷൻ ഓഫ് നോർത്തേൺ കാലിഫോർണിയ (മങ്ക) ഫോമാ വില്ലേജ് പ്രൊജക്റ്റ് നു വേണ്ടി ആറ് വീടുകൾ ആണ് നൽകിയത് . ഏകദേശം മുപ്പത്തി ആറ് വർഷങ്ങൾക്കു മുമ്പ് നോർത്തേൺ കാലിഫോർണിയ സാൻഫ്രാൻസിസ്കോ യിൽ പ്രവർത്തനമാരംഭിച്ച സംഘടനയാണ് മങ്ക . ഇന്ന് വെസ്റ്റേൺ റീജിയണിലെ ഏറ്റവും ശക്തമായ മലയാളി സംഘടനകളിലൊന്നായി വളർന്നു കഴിഞ്ഞിരിക്കുന്നു . സജൻ മൂലപ്ലാക്കലാണ് മങ്കയുടെ ഇപ്പോഴത്തെ പ്രസിഡണ്ട്. ഇന്നത്തെ ഫോമാ വൈസ് പ്രസിഡന്റ് ആയ വിൻസെന്റ് ബോസ് മാത്യു, ജോയിന്റ് സെക്രട്ടറി സാജു ജോസഫ് ഫോമായിൽ സജീവമായി പ്രവർത്തിച്ചിരുന്ന കളത്തിൽ പാപ്പച്ചൻ , റെനി പൗലോസ്, ടോജോ തോമസ് എന്നിവർ മങ്ക യുടെ പൂർവ്വ കാല സാരഥികൾ ആയിരുന്നു. പ്രസിഡ ണ്ട് സജൻ മൂലപ്ലാക്കലും സെക്രട്ടറി സുനിൽ വർഗീസും മങ്ക കമ്മിറ്റി അംഗങ്ങളും ചേർന്ന് മങ്ക യുടെ ചാരിറ്റി ഫണ്ട് സമാഹരണത്തിനു നേതൃത്വം കൊടുത്തു

സാൻ ഫ്രാൻസിസ്കോ ബേ ഏരിയ യിലെ കായിക പ്രേമികളുടെ പ്രിയ സങ്കേതമായ ബേ മലയാളി സ്‌പോർട് സ് ആൻഡ് ആർട്ട് സ് ക്ലബ് ഫോമാ വില്ലേജ് പ്രൊജക്റ്റ് നു വേണ്ടി ഒരു വീട് സംഭാവന ചെയ്തു . ഏകദേശം പത്ത് വർഷങ്ങൾക്കു മുമ്പ് കായിക പ്രേമികളായ മലയാളി കൾ സാജു ജോസഫ് ന്റെ നേതൃത്വത്തിൽ ഒത്തുകൂടി ആരംഭിച്ച സംഘടന യാണ് ബേ മലയാളി . ലെബോൺ മാത്യു ആണ് ഇന്ന് ക്ലബ് പ്രസിഡന്റ്. ലബോൺ മാത്യു വും ബേ മലയാളി യുടെ കമ്മിറ്റി അംഗങ്ങളും ചേർന്നാണ് ബേ മലയാളി യുടെ വിവിധ ഫണ്ട് സമാഹരണ സംരംഭങ്ങൾക്കു ചുക്കാൻ പിടിച്ചത്.

ഫോമാ വെസ്റ്റേൺ റീജിയൺ വൈസ് പ്രസിഡ ണ്ട് ജോസഫ് ഔസോ യുടെ സഹധർമ്മിണി സുജ ഔസോ യാണ് അടുത്ത രണ്ട് വീടുകൾക്ക് പണം സമാഹരിക്കുവാൻ മുൻകൈ എടുത്തത് . സുജയുടെ സഹോദരൻ ഡോക്ടർ ജോൺ കൈലാത്ത് ഒരു വീട് നൽകിയിരിക്കുന്നു . മാതാപിതാക്കളായ ഡോക്ടർ മാത്യു ആൻഡ് കുഞ്ഞമ്മ സക്കറിയ യുടെ പേരി ൽ ഈ വീട് നൽകി . സുജയുടെ സഹോദരി രശ്‌മി ഷേ യും മാർട്ടിൻ ഷേ യും ചേർന്ന് നൽകുന്ന മറ്റൊരു വീട് രശ്‌മി യുടെ മാതാപിതാക്കളായ ടി ജെ കോശി ആൻഡ് ഓമന കോശി യുടെ പേരിലാണ് ഈ വീട് നൽകിയത്.

കേരള അസോസിയേഷൻ ഓഫ് സിയാറ്റൽ ആണ് മറ്റൊരു സ്പോൺസർ . ഒരു വീടാണ് ഈ അസോസിയേഷൻ ഫോമാ വില്ലേജ് പ്രൊജക്റ്റ് നു നൽകിയത് . സിയാറ്റൽ മലയാളി അസോസിയേഷൻ പ്രസിഡ ണ്ട് പി എം മാത്യു , വെസ്റ്റേൺ റീജിയൺ ചെയർമാൻ പോൾ കെ ജോൺ എന്നിവരാണ് ഫണ്ട് സമാഹരിക്കാൻ നേതൃത്വം നൽകിയത്.

ഫോമയുടെ മുൻ പ്രസിഡ ണ്ടും സിയാറ്റൽ എയ്റോ കോൺട്രോൾസ് സി ഇ ഒ യുമായ ജോൺ ടൈറ്റസ് ഒരു വീട് ഈ പ്രോജെക്ടിനായി സ്പോൺസർ ചെയ്തിട്ടുണ്ട് . ഫോമായുടെ ഏതൊരു ജീവകാരുണ്യ പ്രവർത്തനത്തിനും കരുത്തായി അദ്ദേഹം ഫോമയ്‌ക്കൊപ്പമുണ്ട്

ഈ വരുന്ന ജൂൺ രണ്ടിന് തിരുവല്ലയിൽ നടക്കാനിരിക്കുന്ന ഫോമാ കേരള കൺവെൻഷനിൽ വെച്ച് ഈ വീടുകളുടെ താക്കോൽ ദാന ചടങ്ങും നടക്കുന്നതായിരിക്കും.

ഈ പ്രോജക്ടിലേക്കു ഏറ്റവും കൂടുതൽ വീടുകൾ നൽകി സഹകരിക്കാൻ കഴിഞ്ഞതിൽ വെസ്റ്റേൺ റീജിയൺ കമ്മിറ്റി അംഗങ്ങൾ ഏറെ സംതൃപ്തരാണ് . സേവനമനസ്‌കരായ അംഗങ്ങളുടെ നിസ്വാർത്ഥ പ്രയത്നം ആണ് ഈ വിജയത്തിന് പുറകിൽ എന്ന് ആർ വി പി ജോസഫ് ഔസോ യും ചെയർമാൻ പോൾ കെ ജോൺ ഉം കരുതുന്നു . തങ്ങളുടെ നിരന്തര പരിശ്രമവും അർപ്പിക്കപ്പെട്ട സമയവും ഫലമണിഞ്ഞ സന്തോഷത്തിലാണ് ഇരുവരും . കമ്മിറ്റി അംഗങ്ങൾ പലരും ചടങ്ങിൽ പങ്കെടുക്കുവാൻ കേരളത്തിലേക്കുള്ള യാത്രയിലാണ്.

Continue Reading

Latest News