ന്യൂഡല്‍ഹി: ഗാസിയാബാദിലെ റാഡിസണ്‍ ബ്ലൂ ഹോട്ടലിന്റെ ഉടമ ആത്മഹത്യ ചെയ്തു. ഹോട്ടല്‍ ഉടമ അജിത് ജെയിനെയാണ് ഫ്ലാറ്റില്‍ തൂങ്ങി മരിച്ച നിലയില്‍ കണ്ടെത്തിയത്.
ശനിയാഴ്ച കിഴക്കന്‍ ഡല്‍ഹിയിലെ കോമണ്‍ വെല്‍ത്ത് ഗെയംസ് വില്ലേജിലെ വസതിയിലാണ് അദ്ദേഹത്തെ മരിച്ച നിലയില്‍ കണ്ടെത്തിയത്. എന്നാല്‍ ആത്മഹത്യാകുറിപ്പുകളൊന്നും കണ്ടെത്തിയിട്ടില്ല.
പൊലീസ് കണ്‍ട്രോള്‍ റൂമിലേക്ക് വന്ന ഫോണ്‍കാള്‍ വഴിയാണ് മരണത്തെ കുറിച്ച്‌ പൊലീസിന് വിവരം ലഭിച്ചത്.
നോയിഡയിലെ പുതിയ വീട്ടില്‍ നിന്ന് പ്രഭാത ഭക്ഷണം കഴിച്ച ശേഷമാണ് അദ്ദേഹം കോമണ്‍ വെല്‍ത്ത് വില്ലേജിലെ ഫ്ലാറ്റിലേക്ക് എത്തിയത്.
കുടുംബത്തോടൊപ്പം നോയിഡയിലേക്ക് മാറാന്‍ ജെയിന്‍ പദ്ധതിയിട്ടിരുന്നു. ഫ്ലാറ്റിലേക്ക് വരുന്നതിനിടെ സഹോദരന്‍ കരണിനെ ഗാസിയാബാദിലെ ഒഫീസില്‍ ഇറക്കവിട്ട ശേഷം തനിച്ച്‌ ഫ്ലാറ്റിലേക്ക് വരികയായിരുന്നു.
പിറകെ ഫ്ലാറ്റിലേക്ക് വന്ന ജെയനിന്റെ മകനാണ് പിതാവിനെ തൂങ്ങിയ നിലയില്‍ കണ്ടെത്തിയത്. ഉടന്‍ ആശുപത്രിയില്‍ എത്തിച്ചെങ്കിലും മരണം സ്ഥിരീകരിക്കുകയായിരുന്നു. ഇതുവരെ മരണത്തില്‍ ആരും പരാതി ഉന്നയിച്ചിട്ടില്ലെന്ന് പൊലീസ് പറഞ്ഞു.
