Connect with us
Malayali Express

Malayali Express

സ്ലോവേനിയയ്ക്ക് വനിതാ സൈനിക മേധാവി

EUROPE

സ്ലോവേനിയയ്ക്ക് വനിതാ സൈനിക മേധാവി

Published

on

ജോസ് കുമ്പിളുവേലിൽ

ലുബ്ലിയാന : ഒരു വനിതയെ സൈനിക മേധാവിയായി നിയമിക്കുന്ന ആദ്യ നാറ്റോ അംഗരാജ്യമായി സ്ലോവേനിയ മാറി. മേജർ ജനറൽ അലെങ്ക എർമെങ്ക് ആയിരിക്കും രാജ്യത്തിന്റെ പുതിയ പടനായിക.

1991ൽ സൈനിക ജീവിതം ആരംഭിച്ച അലെങ്കയ്ക്ക് ഇപ്പോൾ പ്രായം 55. രാജ്യം യൂഗോസ്ലാവ്യയിൽ നിന്നു സ്വാതന്ത്യ്രം നേടിയതു മുതൽ അവർ സൈന്യത്തിലുണ്ട്. നിലവിൽ ഡെപ്യൂട്ടി ചീഫ് ഓഫ് സ്റ്റാഫ് ആയിരുന്നു. മുൻ ആർമി കമാൻഡറുമായിരുന്നു.

സൈന്യത്തിന്റെ പ്രകടനം മെച്ചപ്പെടുത്താൻ മേജർ ജനറൽ അലെങ്കയുടെ നേതൃത്വത്തിനു സാധിക്കുമെന്ന് സ്ലോവേനിയൻ പ്രസിഡന്റ് ബോറുട് പഹോർ പ്രതീക്ഷ പ്രകടിപ്പിച്ചു.

ഈ വർഷം ആദ്യം നാറ്റോ നടത്തിയ യുദ്ധസന്നദ്ധതാ പരിശോധനയിൽ സ്ലോവേനിയൻ സൈന്യം പരാജയപ്പെട്ടിരുന്നു. ആ സമയത്ത് സൈനിക മേധാവിയായിരുന്ന മേജർ ജനറൽ അലൻ ഗീഡർ വിരമിച്ച ഒഴിവിലാണ് മേജർ ജനറൽ അലെങ്കയുടെ നിയമനം.

Continue Reading

Latest News