മനാമ: സിവില് ഡിഫന്സ് വിഭാഗം വോട്ടിങ് കേന്ദ്രങ്ങളുടെ സുരക്ഷ പരിശോധന ആരംഭിച്ചു.
പാര്ലമെന്റ്, മുനിസിപ്പല് തെരഞ്ഞെടുപ്പുകള് സുരക്ഷിതമാക്കുന്നതിന്റെ ഭാഗമായാണ് പരിശോധന.
വോട്ടിങ് നടക്കുന്ന കേന്ദ്രങ്ങളില് സുരക്ഷ സംവിധാനങ്ങള് ശരിയായ വിധത്തില് പ്രവര്ത്തിക്കുന്നുണ്ടെന്നും ഫയര് അലാറം അടിക്കുന്നുവെന്നും ഉറപ്പാക്കും. എന്തെങ്കിലും അത്യാഹിതങ്ങളുണ്ടായാല് അടിയന്തര സുരക്ഷ കവാടം പ്രവര്ത്തനസജ്ജമാണെന്നും ഉറപ്പാക്കുന്നുണ്ട്.
സുരക്ഷ ഉറപ്പുവരുത്താന് ബോധവത്കരണ പ്രവര്ത്തനങ്ങള് നടത്തുമെന്നും സിവില് ഡിഫന്സ് അധികൃതര് വ്യക്തമാക്കി.