ബറോസ് എത്തുന്നത് 20 ഭാഷകളില്
മോഹന്ലാല് ചിത്രങ്ങള് ഇനി പാന് ഇന്ത്യന്. ബറോസ് മുതല് എത്തുന്ന മോഹന്ലാല് ചിത്രങ്ങളാണ് പാന് ഇന്ത്യന് സിനിമകള്. മോഹന്ലാല് ആദ്യമായി സംവിധാനം ചെയ്യുന്ന ചിത്രം കൂടിയാണ് ബറോസ്.
ചൈനീസ്, പോര്ച്ചുഗല് ഉള്പ്പെടെ 20 ഭാഷകളില് ഡബ് ചെയ്ത് സബ് ടൈറ്റിലോടെ ചിത്രം പുറത്തുവരാനാണ് ഒരുങ്ങുന്നത്. പാന് ഇന്ത്യന് ചിത്രമായാണ് തെലുങ്ക് സിനിമ ഋഷഭ ഒരുങ്ങുന്നത്. ദുബായ് രാജകുടുംബത്തിന്റെ നിര്മ്മാണ പങ്കാളത്തില് എത്തുന്ന ചിത്രം തെലുങ്കിലെ യുവസംവിധായകനായ നന്ദകുമാറാണ് ഒരുക്കുന്നത്.
മലയാളം, ഹിന്ദി, തമിഴ് ഭാഷകളില്ഡബ്ബ് ചെയ്ത് എത്തുന്ന ചിത്രത്തില് തെലുങ്കില് നിന്നുള്ള പ്രമുഖ യുവനടന് പ്രധാന വേഷം അവതരിപ്പിക്കുന്നു. ചിത്രത്തില് അച്ഛന് വേഷമാണ് മോഹന്ലാല് അവതരിപ്പിക്കുക.ആക്ഷനും ഇര്മോഷനും നിറഞ്ഞ ബിഗ് ബഡ്ജറ്റ് എന്റര്ടെയ്നറായിരിക്കും ചിത്രം. അതിരനുശേഷം വിവേക് സംവിധാനം ചെയ്യുന്ന മോഹന്ലാല് ചിത്രവും പാന് ഇന്ത്യനായാണ് ലക്ഷ്യമിടുന്നത്. മോഹന്ലാല്- പൃഥ്വിരാജ് കൂട്ടുകെട്ടില് ഒരുങ്ങുന്ന എമ്ബുരാന് ആണ് അടുത്ത ചിത്രം. എമ്ബുരാന്റെ ചിത്രീകരണം അടുത്ത വര്ഷം ആരംഭിക്കും.
രാജ്യാന്തരതലത്തിലേക്ക് മോഹന്ലാല് സിനിമകള് എത്തിക്കുക എന്ന ലക്ഷ്യത്തോടെ ആശിര്വാദ് സിനിമാസ് ദുബായ് ആസ്ഥാനം തുറക്കുകയും ചെയ്തു. യു. എ. ഇയിലെ സിനിമാ വിതരണ കമ്ബനിയായ ഫാര്സ് സിനിമാസുമായി കൈകോര്ത്ത് ചലച്ചിത്ര വിതരണ രംഗത്ത് സജീവമാകാനാണ് തീരുമാനം.
അതേസമയം മോഹന്ലാല് - ജീത്തു ജോസഫ് ചിത്രം റാം ചിത്രീകരണം പുരോഗമിക്കുന്നു. തൃഷ നായികയായി എത്തുന്ന ചിത്രത്തിന്റെ ലണ്ടന് ഷെഡ്യൂളാണ് ഇപ്പോള്.മോണ്സ്റ്ററാണ് റിലീസിന് ഒരുങ്ങുന്ന മോഹന്ലാല് ചിത്രം. പുലിമുരുകനുശേഷം മോഹന്ലാലും സംവിധായകന് വൈശാഖും വീണ്ടും ഒരുമിക്കുന്നു.