Connect with us
Malayali Express

Malayali Express

72 വ്യാജ ഹജ്ജ്​ സേവന സ്​ഥാപനങ്ങൾ പിടിയിൽ

GULF

72 വ്യാജ ഹജ്ജ്​ സേവന സ്​ഥാപനങ്ങൾ പിടിയിൽ

Published

on

ജിദ്ദ: ഹജ്ജിന്​ അനുമതി പത്രമില്ലാതെ മക്കയിലേക്ക്​ കടക്കുന്നത്​ തടയാൻ 40 ചെക്ക്​ പോയിൻറുകൾ മക്ക മേഖലയുടെ വിവിധ ഭാഗങ്ങളിൽ ഒരുക്കിയതായി മക്ക മേഖല പൊലീസ്​ ദൗത്യസേന മേധാവി കേണൽ അബ്​ദുൽലത്തീഫ്​ അബ്​ദുല്ല അൽശത്​​രി. ഹജ്ജ്​ അനുമതി പത്രമില്ലാത്തവരെ കൊണ്ടുവരുന്നവർക്കെതിരെയും ശിക്ഷാനടപടികളുണ്ടാകും. നുഴഞ്ഞുകയറ്റം തടയാൻ ദുൽഹജ്ജ്​ മുതൽ പുണ്യസ്​ഥലങ്ങൾക്ക്​ ചുറ്റും പൊലീസ്​ സംഘങ്ങളെ നിയോഗിക്കും. വ്യാജ അനുമതി പത്രങ്ങൾ കണ്ടുപിടിക്കാൻ അത്യാധുനിക ഉപകരണങ്ങൾ ചെക്ക്​ പോയിൻറുകളിലൊരുക്കിയിട്ടുണ്ട്​. വ്യാജ അനുമതി പിടിക്കപ്പെട്ടാൽ​ പിന്നിൽ വർത്തിച്ചവരേയും പിടികൂടും. 72 വ്യാജ ഹജ്ജ് സ്​ഥാപനങ്ങൾ ഇതിനകം പിടികൂടിയിട്ടുണ്ട്​. 93 പേരെ പ്രോസിക്യൂഷന്​ മുമ്പാകെ ഹാജരാക്കിയതായും പൊലീസ്​​​ ദൗത്യസേനാ മേധാവി പറഞ്ഞു.

അതേ സമയം, ഹജ്ജിന്​ തസ്​രീഹ്​ നിയമം ലംഘിക്കുന്ന വിദേശികളെ നാടുകടത്തുകയും പത്ത്​ വർഷ​ത്തേക്ക്​ സൗദിയിലേക്ക്​ പ്രവേശിക്കുന്നതിന്​ വിലക്കേർപ്പെടുത്തുകയും ചെയ്യുമെന്ന്​ പൊതുസുരക്ഷ വിഭാഗം വ്യക്​തമാക്കി. ഹജ്ജിന്​ ഒരോ വിദേശിയും അനുമതി പത്രം നേടിയിരിക്കുകയും പ്രവേശന കവാടങ്ങളിൽ സുരക്ഷ ഉദ്യോഗസ്​ഥർക്ക്​ മുമ്പാകെ കാണിക്കുകയും വേണം. അനുമതിപത്രമില്ലാത്തവരെ കൊണ്ടുവരുന്ന സ്വദേശികൾക്ക്​ പിഴയും ശിക്ഷയുമുണ്ടാകുമെന്നും വാഹനം പിടിച്ചെടുക്കുമെന്നും പൊതുസുരക്ഷ വിഭാഗം പറഞ്ഞു.

 

Continue Reading

Latest News