മസ്കത്ത്: യാത്രാവിലക്കിനെത്തുടര്ന്ന് നാട്ടില് കുടുങ്ങിപ്പോവുകയും വിസ കാലാവധി തീരുകയും ചെയ്ത സാദിഖ് എന്ന കോണ്ഗ്രസ് പ്രവര്ത്തകന് ഒ.ഐ.സി.സി സിദ്ദീഖ് ഹസ്സന് വിഭാഗത്തിന്റെ കൈത്താങ്ങ്.
സന്ദര്ശനവിസയില് തിരിച്ചെത്തിയ സാദിഖ് വിസക്കുള്ള സാമ്ബത്തിക സഹായത്തിനായി ഒ.ഐ.സി.സി ഇബ്ര റീജനല് കമ്മിറ്റി പ്രസിഡന്റിന് അപേക്ഷ നല്കിയിരുന്നു.
എന്നാല്, ഇത്തരം കാര്യങ്ങള് അഡ്ഹോക്ക് കമ്മിറ്റിക്കുമാത്രമേ തീരുമാനിക്കാന് അധികാരമുള്ളൂവെന്നുപറഞ്ഞ് അപേക്ഷ നിരസിക്കുകയായിരുന്നുവത്രെ. ഈ സാഹചര്യത്തിലാണ് സാദിഖിന് സഹായ ഹസ്തവുമായി ഒ.ഐ.സി.സി ഒമാന് സിദ്ദീഖ് ഹസ്സന് വിഭാഗം രംഗത്തുവന്നത്. കഴിഞ്ഞ ദിവസം നടന്ന ലളിതമായ ചടങ്ങില് ഒ.ഐ.സി.സി ഒമാന് സിദ്ദീഖ് വിഭാഗം പ്രവര്ത്തകര് സാദിഖിന് വിസ അടിക്കുന്നതിനുള്ള സാമ്ബത്തിക സഹായം കൈമാറി. സാദിഖിനെ പോലുള്ള ആളുകളെ നിര്ണായക ഘട്ടത്തില് കൈവിടുന്ന അഡ്ഹോക്ക് കമ്മിറ്റി എന്ത് സന്ദേശമാണ് നല്കുന്നതെന്ന് കുര്യാക്കോസ് മാളിയേക്കല്, അനീഷ് കടവില്, സജി ഏഴാനത്ത്, ഹരിലാല് വൈക്കം, സതീഷ് പട്ടുവം, മോഹന്കുമാര് അടൂര്, റാഫി ചക്കര എന്നിവര് ചോദിച്ചു.