Connect with us
Malayali Express

Malayali Express

മൂന്നു കുട്ടികളേയും ഭാര്യയേയും കൊലപ്പെടുത്തി പിതാവ് ആത്മഹത്യ ചെയ്തു

USA

മൂന്നു കുട്ടികളേയും ഭാര്യയേയും കൊലപ്പെടുത്തി പിതാവ് ആത്മഹത്യ ചെയ്തു

Published

on

പി പി ചെറിയാന്‍

ഡെലവയര്‍: ഡെലവയര്‍ പ്രിന്‍സസ് കോര്‍ണറിലുള്ള വീട്ടില്‍ അഞ്ചു പേര്‍ വെടിയേറ്റു മരിച്ച നിലയില്‍ കണ്ടെത്തിയതായി പൊലീസ് അറിയിച്ചു.മാത്യു എഡ്‌വേര്‍ഡ് (42) ഭാര്യ ജൂലി (41) ആറും നാലും മൂന്നും വയസ്സുള്ള രണ്ട് ആണ്‍കുട്ടികളും ഒരു പെണ്‍കുട്ടിയുമാണു കൊല്ലപ്പെട്ടത്.

പിതാവ് മാത്യു എഡ്‌വേര്‍ഡ് നാലു പേരേയും വെടിവച്ചു കൊലപ്പെടുത്തിയ ശേഷം സ്വയം വെടിയുതിര്‍ത്തു മരിക്കുകയായിരുന്നുവെന്നും പൊലീസ് പറഞ്ഞു.

ജൂലൈ 9 തിങ്കളാഴ്ച വീട്ടില്‍ നിന്നും ലഭിച്ച ഫോണ്‍ സന്ദേശത്തെ തുടര്‍ന്ന് എത്തിച്ചേര്‍ന്നു പൊലീസ് വീടിന്റെ മുകള്‍ നിലയിലാണ് അഞ്ചു പേരും വെടിയേറ്റു മരിച്ചു കിടക്കുന്നതായി കണ്ടെത്തിയത്. മൃതദേഹങ്ങള്‍ തുടര്‍ന്ന് ആശുപത്രിയിലേക്ക് മാറ്റി. വിവാഹബന്ധത്തിലുണ്ടായ പ്രശ്‌നങ്ങളും ജോലി നഷ്ടപ്പെട്ടതുമാണു മാത്യുവിനെ ഈ കൃത്യത്തിനു പ്രേരിപ്പിച്ചതെന്നു പറയപ്പെടുന്നു.

മാതാപിതാക്കളും കുട്ടികളുമായും നല്ല ബന്ധമാണുണ്ടായിരുന്നതെന്നും മക്കളെ വളരെയധികം സ്‌നേഹിക്കുന്ന മാതാവായിരുന്നു ജൂലിയെന്നും പേര്‍ വെളിപ്പെടുത്താനാകാത്ത അയല്‍വാസി പറഞ്ഞു. ഡലവയര്‍ ഡിവിഷന്‍ ഓഫ് ഫോറന്‍സിക് സയന്‍സ് നടത്തിയ ഓട്ടോപ്‌സിയില്‍ മരണം കൊലപാതകവും ആത്മഹത്യയുമാണെന്ന് സ്ഥിരീകരിച്ചു.

PLEASE SHARE THIS NEWS ON FACEBOOK AND SUPPORT US.

SEND YOUR ARTICLES AND NEWS TO news@malayaliexpress.com.

Continue Reading

Latest News