Connect with us
Malayali Express

Malayali Express

സൗദി ബുറൈദയിലെ ചെക്​പോയിൻറിൽ വെടിവെപ്പ്​; നാലു മരണം

GULF

സൗദി ബുറൈദയിലെ ചെക്​പോയിൻറിൽ വെടിവെപ്പ്​; നാലു മരണം

Published

on

ബുറൈദ: സൗദി അറേബ്യയിലെ അൽഖസീം പ്രവിശ്യയിലെ ബുറൈദയിൽ പൊലീസ്​ ചെക്​പോയിൻറിലുണ്ടായ വെടിവെപ്പിൽ നാലുപേർ മരിച്ചു​. ഞായറാഴ്​ച വൈകുന്നേരം 3.45 നാണ്​ സംഭവം. മരിച്ചവരിൽ രണ്ടുപേർ ആക്രമണം നടത്തിയ തീവ്രവാദികളാണ്​. ഒരുസുരക്ഷാ ഉദ്യോഗസ്ഥനും മരിച്ചു. ബംഗ്ലാദേശ്​ പൗരനാണ്​ കൊല്ലപ്പെട്ട നാലാമൻ.

മൂന്നു തീവ്രവാദികളാണ്​ ചെക്​പോയിൻറിൽ വെടിവെപ്പ്​ നടത്തിയതെന്ന്​ ആഭ്യന്തര വകുപ്പ്​ വക്​താവ്​ അറിയിച്ചു. ഇതേ തുടർന്ന്​ സുരക്ഷാ ​വിഭാഗത്തി​​െൻറ തിരിച്ചടിയിലാണ്​ രണ്ടു തീവ്രവാദികൾ കൊല്ലപ്പെട്ടത്​. മൂന്നാമന്​ ഗുരുതരമായി പരിക്കേൽക്കുകയും ചെയ്​തു. ഇയാളെ ആശുപത്രിയിലേക്ക്​ മാറ്റിയിട്ടുണ്ട്​.

തീവ്രവാദികളെ നേരിടുന്നതിനിടെയാണ്​ സാർജൻറ്​ സുലൈമാൻ അബ്​ദുൽ അസീസ്​ അൽഅബ്​ദുല്ലത്തീഫ്​ എന്ന സുരക്ഷാ ഉദ്യോഗസ്​ഥൻ വെടിയേറ്റ്​ മരിച്ചത്​. സംഭവത്തിൽ അടിയന്തര ക്രിമിനൽ അന്വേഷണം ആരംഭിച്ചിട്ടുണ്ട്​. ചെക്​പോയിൻറ്​ സുരക്ഷാസേനയുടെ നിയന്ത്രണത്തിലാണ്​.

Continue Reading

Related News

Latest News