കുവൈത്ത് സിറ്റി: ഇന്ത്യന് എംബസിയുടെ ആഭിമുഖ്യത്തില് സംഘടിപ്പിച്ച സ്പ്ലെന്ഡേഴ്സ് ഓഫ് ഇന്ത്യ ഫെസ്റ്റിവലില് ലുലു ഹൈപ്പര് മാര്ക്കറ്റും പങ്കുചേര്ന്നു.
ലുലുവിന്റെ രണ്ട് സ്റ്റാളുകളാണ് യര്മൂഖ് കള്ച്ചറല് സെന്ററില് നടന്ന പ്രദര്ശനത്തിലുണ്ടായിരുന്നത്.
ഇന്ത്യന് എത്നിക് വസ്ത്രങ്ങളുടെയും ഇന്ത്യന് ആഭരണങ്ങളുടെയും പ്രദര്ശനമായിരുന്നു ആദ്യത്തേത്. ഇന്ത്യന് ബ്രാന്ഡഡ് ഓര്ഗാനിക് ഫുഡ് കൗണ്ടര് സ്റ്റാള് ആയിരുന്നു മറ്റൊന്ന്. ഇന്ത്യന് ഉല്പന്നങ്ങളെ പരിചയപ്പെടുത്താനുള്ള എംബസിയുടെ ശ്രമങ്ങള്ക്ക് കരുത്ത് പകരുന്നതായിരുന്നു രണ്ട് സ്റ്റാളുകളും.
ഇന്ത്യന് പൈതൃകങ്ങളോടും സംസ്കാരത്തോടും ചേര്ന്നുനില്ക്കുന്ന രീതിയില് മനോഹരമായി രൂപകല്പന ചെയ്തതായിരുന്നു സ്റ്റാളുകള്.
ഇന്ത്യന് എംബസി നേരത്തെ നടത്തിയ പ്രദര്ശനങ്ങളിലും ഇത്തരം സഹകരണവും പങ്കാളിത്തവും ലുലു ഗ്രൂപ്പിന്റെ ഭാഗത്തുനിന്ന് ഉണ്ടായിട്ടുണ്ട്.
കുവൈത്തില് മാത്രമല്ല മറ്റു രാജ്യങ്ങളിലും ഇന്ത്യന് ഉല്പന്നങ്ങളെ പരിചയപ്പെടുത്താനുള്ള ശ്രമങ്ങളോട് പൂര്ണാര്ഥത്തില് സഹകരിക്കുകയും പിന്തുണ നല്കുകയും ചെയ്യുന്ന നിലപാടാണുള്ളതെന്ന് മാനേജ്മെന്റ് അറിയിച്ചു.