കോതമംഗലം: വനപാലകരെ ആക്രമിച്ച് പരിക്കേല്പിച്ച സംഭവത്തില് കഞ്ഞിക്കുഴി കീരിത്തോട് പകുതിപ്പാലം കുമരംകുന്നേല് പ്രജീഷിനെ (33) ഊന്നുകല് പൊലീസ് അറസ്റ്റ് ചെയ്തു.
ഔദ്യോഗിക കൃത്യനിര്വഹണം തടസ്സപ്പെടുത്തിയതിനും ദേഹോപദ്രവം ഏല്പിച്ചതിനും രജിസ്റ്റര് ചെയ്ത കേസിലാണ് അറസ്റ്റ്. ഇയാളും ഭാര്യയും കഴിഞ്ഞദിവസം ചെമ്ബന്പാറ ഭാഗത്തെ നഗരംപാറ ഫോറസ്റ്റ് ഓഫിസില് ചെന്ന് ഡെപ്യൂട്ടി റേഞ്ച് ഫോറസ്റ്റ് ഓഫിസറെയും വനിത ബീറ്റ് ഫോറസ്റ്റ് ഓഫിസറെയും ആക്രമിക്കുകയും ഓഫിസിന്റെ ജനല് എറിഞ്ഞുടക്കുകയും ചെയ്തെന്നാണ് പരാതി.
പ്രജീഷ് നഗരംപാറ റിസര്വ് ഫോറസ്റ്റില് പാംപ്ല ഭാഗത്ത് കൈയ്യേറി ഷെഡ് വെച്ചുകെട്ടിയത് ഫോറസ്റ്റ് ഉദ്യോഗസ്ഥര് പൊളിച്ചുനീക്കിയിരുന്നു. കഞ്ഞിക്കുഴി പൊലീസ് സ്റ്റേഷനിലെയും അടിമാലി പൊലീസ് സ്റ്റേഷനിലെയും നിരവധി കേസിലെ പ്രതിയാണ് ഇയാള്. അന്വേഷണ സംഘത്തില് സബ് ഇന്സ്പെക്ടര്മാരായ ശരത് ചന്ദ്രകുമാര്, ഷാജു ഫിലിപ്, എസ്.സി.പി.ഒമാരായ ഷനില്, നസീമ എന്നിവരാണ് ഉണ്ടായിരുന്നത്.