കുവൈത്ത് സിറ്റി: കുവൈത്തില് കോവിഡ് മുന്നണിപ്പോരാളികള്ക്കുള്ള സൗജന്യ റേഷന് വിതരണം മാര്ച്ച് ആറു മുതലെന്നു വാണിജ്യ മന്ത്രാലയം.
റേഷന് വിതരണത്തിനുള്ള നടപടിക്രമങ്ങള് പൂര്ത്തിയായതായും രാജ്യത്തിെന്റ വിവിധ മേഖലകള് കേന്ദ്രീകരിച്ച് അഞ്ചു സ്ഥലങ്ങള് റേഷന് വിതരണത്തിനായി നിശ്ചയിച്ചതായും അധികൃതര് അറിയിച്ചു. കോവിഡിനെതിരെയുള്ള പ്രതിരോധ പ്രവര്ത്തനങ്ങളില് മുന്നില്നിന്ന ആരോഗ്യമന്ത്രാലയത്തിലെയും ആഭ്യന്തരമന്ത്രാലയത്തിലെയും ജീവനക്കാര്ക്കാണ് ആറു മാസത്തേക്കു സൗജന്യ റേഷന് നല്കുന്നത്. അരി, പഞ്ചസാര , പരിപ്പ് , പാല്പ്പൊടി, ഭക്ഷ്യ എണ്ണ, ടൊമാറ്റോ പേസ്റ്റ് , ചിക്കന് എന്നിവയാണ് റേഷന് കിറ്റില് ഉണ്ടാവുക. റേഷന് കാര്ഡില് ഉള്പ്പെട്ട സ്വദേശികള്ക്ക് സാമൂഹികക്ഷേമ മന്ത്രാലയവുമായി സഹകരിച്ച് അതതു താമസമേഖലകളിലെ കമ്യൂണിറ്റി ഹാളുകളിലാണ് ഇവ വിതരണം ചെയ്യുക.
വിദേശികളായ ജീവനക്കാര്ക്കായി രാജ്യത്തിെന്റ വിവിധ ഭാഗങ്ങളിലായി അഞ്ചു വിതരണ കേന്ദ്രങ്ങള് മന്ത്രാലയം നിശ്ചയിച്ചിട്ടുണ്ട്. ജലീബ് അല് ശുയൂഖ്, അബ്ബാസിയ റിഹാബ്, റാബിയ യര്മൂക്, ശുഹദ തുടങ്ങിയ പ്രദേശങ്ങളില് താമസിക്കുന്ന വിദേശി ജീവനക്കാര്ക്കുള്ള റേഷന് വിതരണം ഒമറിയ കോഓപറേറ്റിവ് സൊസൈറ്റി ഹാളില് വെച്ചാണ് നടക്കുക. അല്മിയ റുമൈതിയ ഷാബ്, മന്സൂരിയ,സല്വ എന്നിവിടങ്ങളില് താമസിക്കുന്നവര്ക്ക് സാല്മിയ ശൈഖ് നാസര് സഊദ് ഹാള് ആണ് വിതരണ കേന്ദ്രം. ജഹറയില് അബ്ദുല്ല അല് മുബാറക് അസ്സബാഹ് ഹാള്, സബാഹിയ റജ അല് ഹബാജ് ഹാള്, ഫിര്ദൗസിലെ അല് ഫിര്ദൗസ് കമ്യൂണിറ്റി ഹാള് എന്നിവയാണ് മറ്റു റേഷന് വിതരണകേന്ദ്രങ്ങള്. ഓരോരുത്തരുടെയും മേല്വിലാസത്തിെന്റ അടിസ്ഥാനത്തില് വിതരണ കേന്ദ്രം, സമയം എന്നിവ സംബന്ധിച്ച് ഓരോ ഗുണഭോക്താവിനും അറിയിപ്പ് നല്കുമെന്നും അധികൃതര് വ്യതമാക്കി.