കൊയിലാണ്ടി: കെ-റെയില്‍ അനുകൂല ലഘു ലേഖകളുമായി എത്തുന്നവര്‍ക്ക് പ്രവേശനം നിഷേധിച്ച്‌ മാരാമുറ്റം തെരുവുകാര്‍.
വീടുകളുടെ ഗേറ്റുകള്‍ക്കു മുന്നില്‍ മുന്നറിയിപ്പു ബോര്‍ഡുകളും സ്ഥാപിച്ചു. റെയില്‍വേ സ്റ്റേഷനു പിറകിലായി ബി ക്ലാസ് സ്ഥലത്തിനു സമീപത്തായാണ് ഈ പൈതൃകത്തെരുവ്. നഗരത്തില്‍ നഗര ബഹളമൊന്നുമില്ലാത്ത പ്രദേശം.
സ്കൂളുകള്‍, റെയില്‍വേ സ്റ്റേഷന്‍, ബസ് സ്റ്റാന്‍ഡ്, മിനി സിവില്‍ സ്റ്റേഷന്‍, ബാങ്കുകള്‍, എല്‍.ഐ.സി ഓഫിസ്, മറ്റ് സര്‍ക്കാര്‍ സ്ഥാപനങ്ങള്‍, ആരാധനാലയങ്ങള്‍, അങ്ങാടി എന്നിവിടങ്ങളി
ലേക്ക് എളുപ്പത്തില്‍ എത്തിച്ചേരാവുന്ന പ്രദേശം.
കെ റെയില്‍ വന്നാല്‍ നിരവധി പേര്‍ക്ക് കുടിയൊഴിയേണ്ടി വരും. അവരുടെ ദുഃഖമാണ് ഗേറ്റിനു മുന്നില്‍ ബോര്‍ഡിലൂടെ വ്യക്തമാക്കിയത്.
