ചിറ്റൂര്: ചിറ്റൂര് -തത്തമംഗലം നഗരസഭ ചെയര്പേഴ്സന്റെ ഭര്ത്താവിന് നഗരസഭയുടെ ഷോപ്പിങ് കോംപ്ലക്സില് കടമുറി നല്കാന് അജണ്ടയില്ലാതെ മിനിറ്റ്സില് എഴുതിച്ചേര്ത്ത കൗണ്സില് തീരുമാനം ബുധനാഴ്ച ചേര്ന്ന ഓണ്ലൈന് കൗണ്സില് യോഗത്തില് റദ്ദാക്കാന് തീരുമാനിച്ചു.
യോഗത്തില് അധ്യക്ഷനായ വൈസ് ചെയര്മാന് എം. ശിവകുമാറാണ് തീരുമാനം പ്രഖ്യാപിച്ചത്. 5000 രൂപ അഡ്വാന്സും 1000 രൂപ പ്രതിമാസ വാടകയും നിശ്ചയിച്ചാണ് കടമുറി നല്കിയത്. ചെയര്പേഴ്സന് രാജിവെക്കണമെന്നാവശ്യപ്പെട്ട് നഗരസഭ കൗണ്സില് യോഗം പ്രതിപക്ഷം ബഹിഷ്കരിച്ചു.
നഗരസഭ കവാടത്തിന് മുന്നില് കറുത്ത തുണികൊണ്ട് വായ മൂടിക്കെട്ടി ധര്ണ നടത്തി പ്രതിഷേധിച്ചു. പ്രതിപക്ഷ നേതാവ് കെ.സി. പ്രീത് അധ്യക്ഷത വഹിച്ചു. നഗരസഭ മുന് ചെയര്മാന് കെ.
മധു ധര്ണ ഉദ്ഘാടനം ചെയ്തു. കൗണ്സിലര്മാരായ ആര്. ബാബു, അനിത കുട്ടപ്പന്, ആര്. കിഷോര്കുമാര്, ബി. പ്രിയ, എം.ജി. ജയന്തി, വി. ഉഷ, സബിത മോള് എന്നിവര് സംസാരിച്ചു.