Connect with us
Malayali Express

Malayali Express

എം.ആര്‍ മുരളിയെ മലബാര്‍ ദേവസ്വം ബോര്‍ഡ് പ്രസിഡന്റായി തിരഞ്ഞെടുത്തു

KERALA

എം.ആര്‍ മുരളിയെ മലബാര്‍ ദേവസ്വം ബോര്‍ഡ് പ്രസിഡന്റായി തിരഞ്ഞെടുത്തു

Published

on

മലബാര്‍ ദേവസ്വം ബോര്‍ഡ് പ്രസിഡന്‍്റായി സി.പി.എം നേതാവ് എം.ആര്‍ മുരളിയെ തിരഞ്ഞെടുത്തു. തദ്ദേശ തിരഞ്ഞെടുപ്പില്‍ എം.ആര്‍ മുരളി ഇടതുമുന്നണി സ്ഥാനാര്‍ത്ഥി അയേക്കുമെന്ന് റിപ്പോര്‍ട്ടുകളുണ്ടായിരുന്നു. ഷൊര്‍ണൂര്‍ നഗരസഭയിലേക്ക് മത്സരിച്ചേക്കുമെന്നായിരുന്നു റിപ്പോര്‍ട്ടുകള്‍.

ഇതിന് പിന്നാലെയാണ് മുരളിയെ ദേവസ്വം ബോര്‍ഡ് പ്രസിഡന്‍്റയി തിരഞ്ഞെടുത്തത്. നേരത്തെ പാര്‍ട്ടിയുമായി ഭിന്നതയിലായി പാര്‍ട്ടി വിട്ട മുരളി സി.പി.എമ്മിനെതിരെ സമാന്തര സംഘടന രൂപീകരിച്ച് കുറച്ച് നാള്‍ പ്രവര്‍ത്തിച്ചിരുന്നു. കൊല്ലപ്പെട്ട ടി.പി ചന്ദ്രശേഖരന്‍ ചെയര്‍മാനായും എം.ആര്‍ മുരളി സെക്രട്ടറിയുമായാണ് ഒരുകാലത്ത് സി.പി.എം വിമതരുടെ പൊതുവേദിയായ ഇടതുപക്ഷ ഏകോപന സമിതിക്ക് രൂപം നല്‍കിയത്.

സി.പി.എം പാലക്കാട് ജില്ലാക്കമ്മറ്റി അംഗമായിരിക്കെയാണ് എം.ആര്‍ മുരളി വിമതസ്വരം ഉയര്‍ത്തി പാര്‍ട്ടി വിട്ടത്. പിന്നീട് അദ്ദേഹം രൂപീകരിച്ച ജെ.വി.എസ് എന്ന സംഘടനയുടെ പേരില്‍ ഷൊര്‍ണൂര്‍ നഗരസഭയില്‍ മത്സരിച്ചു. രണ്ട് തവണ ജെ.വി.എസ് ടിക്കറ്റില്‍ ഷൊര്‍ണൂര്‍ നഗരസഭാംഗമായി. ഒരു തവണ ചെയര്‍മാനുമായി.

Continue Reading

Latest News