Connect with us
Malayali Express

Malayali Express

മത്സരം എന്‍ഡിഎയും എല്‍ഡിഎഫും തമ്മില്‍; ദേശീയതലത്തിലേതു പോലെ കോണ്‍ഗ്രസ് തകര്‍ന്നു : കെ.സുരേന്ദ്രന്‍

KERALA

മത്സരം എന്‍ഡിഎയും എല്‍ഡിഎഫും തമ്മില്‍; ദേശീയതലത്തിലേതു പോലെ കോണ്‍ഗ്രസ് തകര്‍ന്നു : കെ.സുരേന്ദ്രന്‍

Published

on

തദ്ദേശ തിരഞ്ഞെടുപ്പില്‍ മത്സരം നടക്കുന്നത് എന്‍ഡിഎയും എല്‍ഡിഎഫും തമ്മിലാണെന്ന് ബിജെപി സംസ്ഥാന അധ്യക്ഷന്‍ കെ.സുരേന്ദ്രന്‍.

തെരഞ്ഞെടുപ്പില്‍ യുഡിഎഫ് ചിത്രത്തിലില്ലെന്നും ദേശീയതലത്തിലെ പോലെ കോണ്‍ഗ്രസ് തകര്‍ന്നു കഴിഞ്ഞുവെന്നും കെ.സുരേന്ദ്രന്‍ പറഞ്ഞു. കേസരി മെമ്മോറിയല്‍ ഹാളില്‍ നടത്തിയ ‘മീറ്റ് ദി പ്രസ്’ പരിപാടിയില്‍സംസാരിക്കുകയായിരുന്നു സുരേന്ദ്രന്‍.

ദേശീയ ജനാധിപത്യ സഖ്യം മാത്രമാണ് ഇടതുപക്ഷത്തിന് ബദല്‍. കോഴക്കേസില്‍ നിന്നും രക്ഷിക്കണമെന്ന് രമേശ് ചെന്നിത്തലയും കുടുംബവും ആവശ്യപ്പെട്ടുവെന്നുള്ള വെളിപ്പെടുത്തല്‍ ലജ്ജാകരമായ അവസ്ഥയിലേക്ക് യുഡിഎഫിനെ എത്തിച്ചു. കൂടാതെ, ഭരണ പക്ഷവും പ്രതിപക്ഷവും ഒരേപോലെ വിമര്‍ശനം നേരിടുകയാണ് എന്നും സുരേന്ദ്രന്‍ പറഞ്ഞു.

കേന്ദ്ര നേതൃത്വം കാര്യങ്ങള്‍ നന്നായിട്ടാണ് നയിക്കുന്നതെന്നും അഴിമതി ഓരോന്നായി പുറത്തു വരാന്‍ തുടങ്ങിയത് ദേശീയ അന്വേഷണ ഏജന്‍സികള്‍ വന്നതോടെയാണ് എന്നും സുരേന്ദ്രന്‍ പറഞ്ഞു. സംസ്ഥാനത്തു
പരസ്പരം അഴിമതികള്‍ ഒത്തുതീര്‍പ്പാക്കുന്ന വിചിത്രമായ രാഷ്ട്രീയമാണ് ഉള്ളതെന്നും സുരേന്ദ്രന്‍ പറഞ്ഞു.

തദ്ദേശ സ്ഥാപനങ്ങളിലെ അഴിമതി മൂലം കേന്ദ്രത്തിന്റെ പല പദ്ധതികളും പൂര്‍ണമായും ജനങ്ങളിലെത്തുന്നില്ല ഇതിനു പരിഹാരം കാണണമെന്നും തദ്ദേശ സ്ഥാപനങ്ങളില്‍ നിന്നും അഴിമതിക്കാരെ പുറത്താക്കാന്‍ എന്‍ഡിഎയ്ക്ക് മാത്രമേ സാധിക്കൂവെന്നും സുരേന്ദ്രന്‍ കൂട്ടിച്ചേര്‍ത്തു.

Continue Reading

Latest News