ജോണ്‍ വി ജോണ്‍ (73) മെരിലാൻഡിൽ നിര്യാതനായി

മൊയ്തീന്‍ പുത്തന്‍‌ചിറ

മെരിലാൻഡ്: തിരുവല്ല പുളിക്കീഴ് വടക്കേടത്ത് പറമ്പിൽ പരേതരായ വി.ഇ. യോഹന്നാന്റേയും ഏലിയാമ്മ യോഹന്നാന്റേയും മകന്‍ ജോണ്‍ വി ജോണ്‍ (ജോണി 73) – റിട്ട. ലീഗല്‍ അഡ്വൈസര്‍, കേരള സര്‍ക്കാര്‍ – നവംബര്‍ 20-ന് മെരിലാന്‍ഡില്‍ നിര്യാതനായി. കൈരളി ഓഫ് ബാൾട്ടിമോറിന്റെ സജീവ പ്രവർത്തകനും സെന്റ് തോമസ് ഇന്ത്യൻ ഓർത്തഡോക്സ് ചർച്ച് മുൻ ട്രസ്റ്റിയുമായിരുന്നു.

പരേതയായ എലിസബത്ത് ജോണ്‍ ആണ് ഭാര്യ.

മക്കൾ: ലിജോ ജോണ്‍, ഡോ. ലിനി ജോണ്‍.

പരേതനായ ജോണ്‍ വി യേശുദാസ് (റിട്ട. സിബി‌ഐ കമ്മീഷണര്‍), ജോണ്‍ മാത്യു (കൈരളി ഓഫ് ബാള്‍ട്ടിമോര്‍ മുൻ പ്രസിഡന്റ്), രാജൻ വി. ജോണ്‍ (ഹൂസ്റ്റൺ) എന്നിവർ സഹോദരരാണ്.

പൊതുദർശനം: നവംബർ 23 തിങ്കളാഴ്ച വൈകീട്ട് 5:00 മണി മുതല്‍ 8:00 മണി വരെ (Lemmon Funeral Home of Dulaney Valley,10 W. Padonia Road, Timonium, MD 21093).

സംസ്കാര ശുശ്രുഷ: നവംബർ 24 രാവിലെ 9:00 മണിക്ക് സെന്റ് തോമസ് ഇന്ത്യന്‍ ഓര്‍ത്തഡോക്സ് ചര്‍ച്ചില്‍ (St. Thomas Indian Orthodox Church, 7321 Windsor Mill Road, Windsor Mill, MD 21244). തുടര്‍ന്ന് സംസ്ക്കാരം നടക്കും (Dulaney Valley Memorial Gardens, 200 E. Padonia Road, Timonium, MD 21093).

മെരിലാന്‍ഡില്‍ കോവിഡ് മാനദണ്ഡങ്ങള്‍ നിലവിലുള്ളതുകൊണ്ട് ഒരു സമയം 50 പേര്‍ക്ക് മാത്രമേ പങ്കെടുക്കാന്‍ അനുമതിയുള്ളൂ.

സംസ്ഥാന, പ്രാദേശിക, സിഡിസി മാർഗ്ഗനിർദ്ദേശങ്ങളുമായി സംയോജിച്ച് നിലവിലെ ആരോഗ്യ-സുരക്ഷാ പ്രോട്ടോക്കോളുകൾ പാലിക്കാൻ പങ്കെടുക്കുന്നവരോട് അഭ്യർത്ഥിക്കുന്നു.

ലൈവ് സ്‌ട്രീമിംഗ്: https://www.facebook.com/160118960675658