Connect with us
Malayali Express

Malayali Express

സ്ത്രീകളടങ്ങുന്ന വാട്സ്ആപ്പ് ഗ്രൂപ്പിലേക്ക് പോണ്‍ വീഡിയോ അയച്ചു; ഗോവ ഉപമുഖ്യമന്ത്രിക്കെതിരെ പരാതി

INDIA

സ്ത്രീകളടങ്ങുന്ന വാട്സ്ആപ്പ് ഗ്രൂപ്പിലേക്ക് പോണ്‍ വീഡിയോ അയച്ചു; ഗോവ ഉപമുഖ്യമന്ത്രിക്കെതിരെ പരാതി

Published

on

ഗോവ ഉപമുഖ്യമന്ത്രി ചന്ദ്രകാന്ത് കാവ്ലേക്കര്‍ വാട്സ്ആപ്പ് ഗ്രൂപ്പിലേക്ക് പോണ്‍ വീഡിയോ അയച്ചുവെന്ന് പരാതി. വില്ലേജ് ഓഫ് ഗോവ എന്ന വാട്സ്ആപ്പ് ഗ്രൂപ്പിലേക്കാണ് കാവ്ലേക്കര്‍ അശ്ലീല വീഡിയോ അയച്ചത്. ഞായറാഴ്ച രാത്രി 1:20നാണ് മന്ത്രിയുടെ ഫോണില്‍ നിന്ന് അശ്ലീല വീഡിയോ അയച്ചിരിക്കുന്നത്.

ഉപമുഖ്യമന്ത്രിക്കെതിരെ ഗോവ ഫോര്‍വേഡ് പാര്‍ട്ടിയുടെ വനിതാ വിഭാഗം പരാതി നല്‍കി. സ്ത്രീകളുടെ അന്തസിന് ക്ഷതം വരുത്തിയതിനും ഐ.ടി ആക്ട് പ്രകാരമുള്ള കുറ്റകൃത്യങ്ങള്‍ക്കും കാവ്ലേക്കര്‍ക്കെതിരെ കേസെടുക്കണമെന്ന് വനിതാ സംഘടന ആവശ്യപ്പെട്ടു. നിരവധി സ്ത്രീകളടക്കം അംഗങ്ങളായുള്ള വാട്സ്ആപ്പ് ഗ്രൂപ്പിലേക്കാണ് ഉപമുഖ്യമന്ത്രി പോണ്‍ വീഡിയോ അയച്ചത്.

അതേസമയം പോണ്‍ വീഡിയോ അയച്ചത് താനല്ലെന്നാണ് ഉപമുഖ്യമന്ത്രിയുടെ വാദം. തന്‍െ്റ ഫോണ്‍ ഹാക്ക് ചെയ്ത് മറ്റാരോ വീഡിയോ അയച്ചതാണെന്ന് കാവ്ലേക്കര്‍ പറഞ്ഞു. വീഡിയോ അയച്ചുവെന്ന് പറയുന്ന സമയത്ത് താന്‍ ഉറക്കത്തിലായിരുന്നെന്നും കാവ്ലേക്കര്‍ വാദിക്കുന്നു.

ഗോവയിലെ മുന്‍ പ്രതിപക്ഷ നേതാവ് കൂടിയാണ് ചന്ദ്രകാന്ത് കാവ്ലേക്കര്‍. ഇദ്ദേഹത്തിന്‍െ്റ നേതൃത്വത്തിലാണ് പത്ത് കോണ്‍ഗ്രസ് എം.എല്‍.എമാര്‍ കഴിഞ്ഞ വര്‍ഷം ബി.ജെ.പിയില്‍ ചേര്‍ന്നത്. എം.എല്‍.എമാരെ കൂറുമാറ്റി ഭരണപക്ഷത്ത് എത്തിച്ചതിന് കാവ്ലേക്കറിന് ഉപമുഖ്യമന്ത്രി സ്ഥാനം ലഭിക്കുകയും ചെയ്തു.

Continue Reading

Latest News