Connect with us
Malayali Express

Malayali Express

രാജ്യത്ത് ഇന്ന് മുതല്‍ സിനിമാ തിയറ്ററുകള്‍ തുറക്കും

INDIA

രാജ്യത്ത് ഇന്ന് മുതല്‍ സിനിമാ തിയറ്ററുകള്‍ തുറക്കും

Published

on

രാജ്യത്ത് ഇന്ന് മുതല്‍ സിനിമാ തിയറ്ററുകള്‍ വീണ്ടും പ്രവര്‍ത്തനം ആരംഭിക്കുന്നു. കേന്ദ്രസര്‍ക്കാര്‍ പുറപ്പെടുവിച്ച കര്‍ശന മാര്‍​ഗ നിര്‍ദേശങ്ങളനുസരിച്ചാണ് സിനിമാപ്രദര്‍ശനം പുനരാരംഭിക്കുന്നത്. തിയറ്ററില്‍ 50% പേരെ മാത്രമേ പ്രവേശിപ്പിക്കുകയുള്ളു. ഒഴിച്ചിടുന്ന 50 ശതമാനം സീറ്റുകളില്‍ ഇവിടെ ഇരിക്കരുത് എന്ന് എഴുതി പ്രദര്‍ശിപ്പിക്കണം, ടിക്കറ്റ് കൗണ്ടറുകളുടെ എണ്ണം വര്‍ധിപ്പിക്കണം, നിബന്ധനകള്‍ സ്ക്രീനില്‍ പ്രദര്‍ശിപ്പിക്കണം, സാനിറ്റൈസര്‍ അടക്കം എല്ലാ സവിധാനങ്ങളും ഒരുക്കണം, ഹാള്‍ ക്യത്യമായ ഇടവേളകളില്‍ അണുവിമുക്തമാക്കണം, ഇങ്ങനെ കര്‍ശന നിബന്ധനകളാണ് ഏര്‍പ്പെടുത്തിയിരിക്കുന്നത്.

ചലച്ചിത്രമേഖല വളരെ വേഗം പഴയ പ്രതാപം വീണ്ടെടുക്കുന്നത് കാണാനാണ് സര്‍ക്കാര്‍ ആഗ്രഹിക്കുന്നതെന്നും, കൊവിഡ് ഉണ്ടാകാന്‍ കാരണമാകാത്ത വിധത്തില്‍ എല്ലാവരും ഉത്തരവാദിത്വത്തൊടെ സാഹചര്യത്തെ കൈകാര്യം ചെയ്യണമെന്നും കേന്ദ്ര പ്രക്ഷേപണവകുപ്പ് മന്ത്രി പ്രകാശ് ജാവ്ദേക്കര്‍ പറഞ്ഞു.
അതേസമയം തിയറ്ററുകളില്‍ എത്തുന്നവര്‍ക്ക് ആരോഗ്യ സേതു ആപ്പ് നിര്‍ബന്ധമാണ്. തെര്‍മല്‍ സ്ക്രീനിങ് തിയറ്ററുകളില്‍ പ്രവേശിക്കുന്നതിനുമുമ്പ് നടത്തണം ഇവയും നിബന്ധനകളുടെ ഭാഗമായി നടപ്പാക്കും. ഒന്നിലധികം സ്ക്രീനുകള്‍ ഉള്ള ഇടങ്ങളില്‍ പ്രദര്‍ശന സമയം വ്യത്യസ്തമായിട്ടായിരിക്കും ക്രമീകരിക്കുന്നത്.

Continue Reading

Latest News